મોરબીના શનાળા રોડે GIDC માં થઈ રહેલા કોમર્શિયલ બહુમાળી બાંધકામની RTI હેઠળ માહિતી ન મળતા હવે કરાશે અપીલ
SHARE
JOIN OUR GROUP
મોરબીના શનાળા રોડે GIDC માં થઈ રહેલા કોમર્શિયલ બહુમાળી બાંધકામની RTI હેઠળ માહિતી ન મળતા હવે કરાશે અપીલ
મોરબીના શનાળા રોડ ઉપર આવેલ જીઆઇડીસીમાં હાલમાં કોમર્શિયલ બહુમાળી કોમ્પલેક્ષ નું બાંધકામ કરવામાં આવી રહ્યું છે જેની બાંધકામ મંજૂરી સહિતની માહિતી આરટીઆઇ હેઠળ મોરબી નગરપાલિકામાંથી માંગવામાં આવી હતી જોકે અરજદારને માહિતી નગરપાલિકામાંથી આપવામાં આવી નથી જેથી કરીને હવે આગામી સમયમાં માહિતી મેળવવા માટે થઈને પ્રાદેશિક કમિશનર કચેરી ખાતે અપીલ કરવામાં આવે તેવી શક્યતાઓ દેખાઈ રહી છે
મોરબી જિલ્લા પંચાયતના માજી પ્રમુખ અને કોંગ્રેસના આગેવાન કિશોરભાઈ પ્રેમજીભાઈ ચીખલીયા દ્વારા મોરબી નગરપાલિકામાં આરટીઆઇ હેઠળ અરજી કરવામાં આવી હતી અને મોરબી શહેરના સનાળા રોડ ઉપર આવેલ જીઆઇડીસીમાં "એમ્પાયર મેડ-વે" નામથી જે કોમર્શિયલ કોમ્પ્લેક્સનું બાંધકામ કરવામાં આવી રહ્યું છે તે બાંધકામની મંજૂરી સહિતની માહિતી નગરપાલિકા પાસેથી આરટીઆઇ હેઠળ માંગવામાં આવી હતી જોકે હાલમાં કિશોરભાઈ ચીખલીયાને નગરપાલિકા તરફથી જે જવાબ આપવામાં આવ્યો છે તેમાં માહિતી આપવામાં આવેલ નથી અને ત્રાહિત પક્ષકારને માહિતી ન આપવા પક્ષકાર તરફથી જણાવવામાં આવ્યું હોવાથી પાલિકામાંથી માહિતી આપી શકાય તેમ નથી તેવું જણાવવામાં આવ્યું છે જેથી કરીને આ કોમર્શિયલ કોમ્પ્લેક્સની બાંધકામ મંજૂરી સહિતની માહિતી મેળવવા માટે થઈને હવે આગામી સમયમાં કિશોરભાઈ પ્રેમજીભાઈ ચીખલીયા દ્વારા પ્રાદેશિક કમિશનરને અપીલ દાખલ કરવામાં આવશે તેવું જાણવા મળ્યું છે
