મોરબીમાં ઈન્ડિયન લાયોનેસ ક્લબ દ્વારા ફક્ત બહેનો માટે ફન સ્ટ્રીટનું આયોજન

વર્તમાન સમયમાં શેરીમાં રમાતી રમતો વિસરાઈ ગયેલ છે ત્યારે મોરબીમાં ઈન્ડિયન લાયોનેસ ક્લબ દ્વારા ૨૫ વર્ષથી મોટી ઉમરના બહેનો માટે ઓપન મોરબી ફન સ્ટ્રીટનું આયોજન કરવામાં આવ્યું છે

મોરબીમાં ઈન્ડિયન લાયોનેસ ક્લબ દ્વારા રવાપર રોડ પર આવેલી નિલકંઠ વિદ્યાલય ખાતે આગામી તા. ૭ જાન્યુઆરીના રોજ સવારે ૧૦ કલાકે ફન સ્ટ્રીટનું આયોજન કરવામાં આવ્યું છે જેમાં ટેકનોલોજીના સમયમાં શેરીમાં રમાતી ઘણી રમતો ભુલાઈ ગયેલ છે જેથી કરીને જુની રમતો જેવી કે કોથળા દોડ, લીંબુ ચમચી, ત્રિપગી દોડ, લંગડી દોડ, સંગીત ખુરશી વગેરે રમતો રમાડવા માટેનું આયોજન કરવામાં આવ્યું છે અને દરેક રમતોના વિજેતાઓને ક્લબ તરફથી ઈનામ આપવામાં આવશે આ ફનસ્ટ્રીટ રમતમાં ભાગ લેવા માટે કોઈ ચાર્જ નથી અને રજીસ્ટ્રેશન અગાઉથી કરાવવાની જરૂર નથી જે દિવસે આયોજન કરેલ છે ત્યારે જ સ્થળ ઉપર જ રજીસ્ટ્રેશન કરાવવાનું રહેશે. આ કાર્યક્રમનો લાભ લેવા માટે મોરબીની બહેનોને લાયોનેસ ક્લબ ઓફ મોરબીના પ્રમુખ મયુરીબેન કોટેચાએ અનુરોધ કરેલ છે