વાંકાનેરના અગાભી પીપળીયા ગામે વાડીએ ઢોરની ગમાણમાંથી દારૂની ૧૯૫ બોટલ સાથે એકની ધરપકડ, માલ આપનારની શોધખોળ
SHARE
JOIN OUR GROUP
વાંકાનેરના અગાભી પીપળીયા ગામે વાડીએ ઢોરની ગમાણમાંથી દારૂની ૧૯૫ બોટલ સાથે એકની ધરપકડ, માલ આપનારની શોધખોળ
વાંકાનેર તાલુકાના અગાભી પીપળીયા ગામે વાડીમાં દારૂનો જથ્થો હોવા અંગેની ચોક્કસ હક્કિત મળી હતી જેના આધારે પોલીસે ત્યાં દારૂની રેડ કરી હતી ત્યારે ઢોરની ગમાણમાંથી દારૂ નાની અને મોટી કુલ મળીને ૧૯૫ બોટલો મળી આવી હતી જેથી કરીને પોલીસે કુલ મળીને ૨૭,૧૮૦ રૂપિયાની કિંમતનો મુદ્દામાલ કબજે કરી એક શખ્સની ધરપકડ કરેલ છે અને માલ આપનારા શખ્સનું નામ સામે આવ્યું છે જેથી તેની સામે પણ ગુનો નોંધાયો છે અને તેને પકડવા માટે વાંકાનેર તાલુકા પોલીસની ટીમ દ્વારા તજવીજ કરવામાં આવી રહી છે
જાણવા મળતી માહિતિ મુજબ મોરબી જિલ્લાના વાંકાનેર તાલુકા વિસ્તારમાં સ્થાનિક પોલીસની ટીમ પેટ્રોલિંગમાં હતી ત્યારે અગાભી પીપળીયા ગામે સાજળીયા વાળી સીમમાં યોગીરાજસિંહ ગિરિરાજસિંહ જાડેજાની વાડી આવેલ છે અને તે વાડીમાં દારૂનો જથ્થો હોવા અંગેની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે દારૂની મોટી ૨૮ અને નાની ૧૬૭ આમ કુલ મળીને દારૂની નાની અને મોટી ૧૯૫ બોટલો વાડીમાં આવેલ ઢોરની ગમાણમાંથી મળી આવતા પોલીસે ૨૭,૧૮૦ ની કિંમતના મુદ્દામાલને સ્થળ ઉપરથી કબજે કર્યો હતો અને આરોપી યોગીરાજસિંહ ગિરિરાજસિંહ જાડેજા જાતે દરબાર (૨૪) રહે.અગાભી પીપળીયા તાલુકો વાંકાનેર વાળાની ધરપકડ કરી હતી અને આ શખ્સને કલ્પેશભાઈ ખાચર જાતે કાઠી દરબાર રહે. ભાડલા તાલુકો જસદણ વાળાએ દારૂનો જથ્થો આપ્યો હોવાનું સામે આવ્યું છે જેથી તેની સામે પણ ગુનો નોંધીને પોલીસે તેને પકડવા માટે તજવીજ શરૂ કરી છે
