વાંકાનેરના માટેલ રોડે આવેલ ગેસ્ટ હાઉસના મેનેજર સામે ગુનો નોંધાયો

વાંકાનેર તાલુકાના ઢુવા માટેલ રોડ ઉપર આવેલ ગેસ્ટ હાઉસમાં આવતા પ્રવાસીઓની રજીસ્ટરમાં એન્ટ્રી કરવામાં આવતી ન હતી અને પથિક સોફ્ટવેરમાં પણ એન્ટ્રી કરેલ ન હતી જેથી કરીને ગેસ્ટ હાઉસના મેનેજર સામે હાલમાં જાહેરનામા ભંગનો ગુનો નોંધીને પોલીસે કાયદેસરની આગળની કાર્યવાહી હાથ ધરી છે

મોરબી જિલ્લામાં વિશ્વ કક્ષાનો સિરામિક ઉદ્યોગ અને અન્ય નાના-મોટા ઉદ્યોગ આવેલા હોવાથી અહીંયા બહારથી ઘણા બધા લોકો કામ ધંધા માટે અને રોજગાર માટે થઈને આવતા હોય છે દરમિયાન કલેકટર દ્વારા બહારથી આવતા લોકો હોટલ, રેસ્ટોરન્ટ અને ગેસ્ટ હાઉસમાં રોકાણ કરે તો તેની પથિક સોફ્ટવેરમાં એન્ટ્રી કરવા માટે થઈને જાહેરનામું પ્રસિદ્ધ કરવામાં આવે છે તેમ છતાં પણ ઘણી જગ્યાએ પથિક સોફ્ટવેરમાં મુલાકાતઓની એન્ટ્રી કરવામાં આવતી નથી દરમ્યાન વાંકાનેર તાલુકાના ઢુવા માટેલ રોડ ઉપર આવેલ વિકાસ ગેસ્ટ હાઉસ ખાતે એસઓજીની ટીમ દ્વારા ચેક કરવામાં આવ્યું હતું ત્યારે ત્યાં આવતા મુસાફરોની એન્ટ્રી પથિક સોફ્ટવેરમાં કરેલ ન હતી જેથી કરીને ગેસ્ટ હાઉસના મેનેજર સુનિલભાઈ ઘુઘાભાઇ વાઢેર જાતે કોળી (૧૯) રહે. વિકાસ ગેસ્ટ હાઉસ ઢુવા માટેલ રોડ મૂળ રહે મોટી મોલડી તાલુકો ચોટીલા વાળાની સામે ગુનો નોંધી પોલીસ આગળની કાર્યવાહી હાથ ધરી છે

અકસ્માતમાં ઇજા

મોરબીના સનાળા રોડ ઉપર આવેલ બસ સ્ટેશન સામેથી નરેશભાઈ સુરેશભાઈ ઝીંઝવાડીયા જાતે કોળી (૨૦) રહે. વીસીપરા ધોળેશ્વર રોડ મેલડી માતાજીના મંદિર પાસે મોરબી વાળો બુલેટ નંબર જીજે ૩ એચબી ૪૯૨૦ લઈને જઈ રહ્યો હતો ત્યારે કાર નંબર જીજે એનબી ૨૮૮૮ ના ચાલકે તેના બુલેટને પાછળથી ટક્કર મારી હતી જેથી કરીને અકસ્માતનો બનાવ બન્યો હતો જેમાં બાઈક ઉપર જઈ રહેલ નરેશભાઈ તથા સાહિલભાઈ રસ્ત ઉપર પડતાં તેઓને શરીરે ઇજાઓ થઈ હતી જેથી કરીને તેઓને સારવાર માટે ખસેડવામાં આવ્યા હતા અને સારવાર લીધા બાદ તેણે મોરબી એ ડિવિઝન પોલીસ સ્ટેશન ખાતે ફરિયાદ નોંધાવી છે જેના આધારે પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે