મોરબીમાં એસ.પી.સી. કેડેટને મળી આવેલ મોબાઈલ મૂળ માલિકને પરત કર્યો
Morbi Today
મોરબીની જનકપુરી સોસાયટીમાં રહેતો યુવાન ત્રણ મહિનાથી ગુમ
SHARE
JOIN OUR GROUP
મોરબીની જનકપુરી સોસાયટીમાં રહેતો યુવાન ત્રણ મહિનાથી ગુમ
મોરબીના માળિયા હાઇવે ઉપર આવેલ જનકપુરી સોસાયટીમાં રહેતો યુવાન ગુમ થઈ ગયેલ છે જેથી કરીને હાલમાં તેના પિતાએ મોરબી બી ડિવિઝન પોલીસ સ્ટેશન ખાતે ફરિયાદ નોંધાવી છે જેના આધારે પોલીસે ગુમસુધા ફરિયાદ લઈને ગુમ થયેલા યુવાનને શોધવા માટે તજવીજ શરૂ કરી છે
જાણવા મળતી માહિતી પ્રમાણે મોરબી માળિયા હાઇવે ઉપર આવેલ જનકપુરી સોસાયટીમાં રહેતો દશરથસિંહ દિલીપભાઈ મસાણી જાતે રજપૂત (૨૭) નામનો યુવાન ગત તા. ૨૦/૧૦/૨૩ ના બપોરના ૪:૪૫ વાગ્યાના અરસામાં કોઈપણ કારણોસર ઘરે કોઈને કશું કહ્યા વગર ક્યાંક ચાલ્યો ગયેલ છે અને તેને શોધવા છતાં કોઈ જગ્યાએથી તેનો પતો લાગ્યો નથી જેથી ગુમ થયેલા યુવાનના પિતા દિલીપભાઈ જેઠુભાઈ મસાણી જાતે રજપૂત (૫૫) રહે. જનકપુરી સોસાયટી વાળાએ તેનો દીકરો ગુમ થયો હોવાની મોરબી બી ડિવિઝન પોલીસ સ્ટેશન ખાતે ફરિયાદ નોંધાવી છે જેના આધારે પોલીસે ગુમ થયેલ યુવાનને શોધવા માટે તજવીજ શરૂ કરી છે અને વધુ તપાસ આર.એન. ડાંગર ચલાવી રહ્યા છે
અકસ્માતમાં ઇજા
મોરબીમાં રહેતા હિરેન રમેશભાઈ રાવા (૧૩) નામનો બાળક મોરબીના માધાપરથી વાવડી રોડ ઉપર બાઈકમાં જઈ રહ્યો હતો ત્યારે શ્રીરામ પેટ્રોલ પંપ પાસે બાઈક અને છકડો રીક્ષા વચ્ચે અકસ્માત થતા અકસ્માતના બનાવમાં હિરેનને ઇજાઓ થઈ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે અને વધુ તપાસ હરેશભાઈ ચાવડા ચલાવી રહ્યા છે
મારા મારીમાં ઇજા
હળવદ તાલુકાના રાતાભેર ગામે ઘરે મારામારીનો બનાવ બન્યો હતો જેમાં ઝાલાભાઇ હીરાભાઈ (૪૫) નામના યુવાનને ઇજાઓ થઈ હતી જેથી કરીને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાંથી આ બનાવની પ્રથમ મોરબી સીટી એ ડિવિઝન પોલીસને જાણ કરવામાં આવી હતી જોકે, આ બનાવ હળવદ તાલુકા પોલીસની હદમાં બનેલ હોવાથી મોરબી એ ડિવિઝન પોલીસ દ્વારા બનાવની હળવદ તાલુકા પોલીસને જાણ કરવામાં આવેલ છે
