વાંકાનેરના લાકડધાર રોડે દુકાન પાસે જુગાર રમતા નવ શખ્સો ૩૬,૫૦૦ ની રોકડ સાથે ઝડપાયા

વાંકાનેર તાલુકાના લાકડધાર રોડ ઉપર જાહેરમાં દુકાનની બાજુમાં જુગાર રમતા હોવા અંગેની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે નવ શખ્સો જુગાર રમતા મળી આવ્યા હતા જેથી કરીને પોલીસે જુગારીઓને પકડીને ૩૬,૫૦૦ રૂપિયાની કિંમતની રોકડ કબજે કરી વાંકાનેર તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

જાણવા મળતી માહિતી મુજબ વાંકાનેર તાલુકા પોલીસની ટીમ પેટ્રોલિંગમાં હતી ત્યારે લાકડધાર ગામ સામેના રોડ ઉપર રાજુભાઈ માલકીયાની દુકાન પાસે જાહેરમાં જુગાર રમતા હોવા અંગેની હકીકત મળી હતી જેના આધારે પોલીસે ત્યાં જુગારી રેડ કરી હતી ત્યારે સ્થળ ઉપર જુગાર રમતા જયદીપભાઇ ધીરુભાઈ જોગરાજીયા જાતે કોળી (૨૨), રણછોડભાઈ વિહાભાઈ અણીયારા જાતે કોળી (૨૫), સુરેશભાઈ રમેશભાઈ ધોરીયા જાતે કોળી (૨૩), કાનજીભાઈ સાદુરભાઈ માલકીયા જાતે કોળી (૩૦), રણછોડભાઈ લખમણભાઇ માલકીયા જાતે કોળી (૪૩), લાલજીભાઈ મશરૂભાઈ અણિયારા જાતે કોળી (૨૫), દેવરાજભાઈ ઉર્ફે મુન્નો હીરાભાઈ માલકીયા જાતે કોળી (૪૦), વાઘજીભાઈ ચકુભાઈ અણીયારા જાતે કોળી (૩૭) અને લખમણભાઇ જીવાભાઇ બાવળીયા જાતે કોળી (૫૮) રહે. બધા લાકડધાર ગામ વાળા જુગાર રમતા મળી આવ્યા હોય પોલીસે તેની પાસેથી ૩૬,૫૦૦ ની રોકડ કબજે કરી હતી અને વાંકાનેર તાલુકો પોલીસ સ્ટેશન ખાતે જુગારધારા હેઠળ ગુનો નોંધી આગળની રાબેતા મુજબની કાર્યવાહી હાથ ધરી હતી

યુવાન સારવારમાં

મોરબીના વાંકાનેર હાઇવે ઉપર આવેલ પાનેલી ગામે રહેતા અને મજૂરી કામ કરતા નાનુભાઈ ભીમાભાઇ સરૈયા (ઉમર ૨૮) નામનો યુવાન મોરબીના જેતપર રોડ ઉપરથી પગપાળા જતો હતો ત્યાં જેતપર રોડ ઉપર રંગપર ગામ નજીકથી પસાર થતા સમયે કોઇ અજાણા વાહનના ચાલકે તેને હડફેટે લેતા ડાબા પગના ભાગે ઇજાગ્રત હાલતમાં તેને સારવાર માટે મોરબીની ખાનગી હોસ્પિટલે લાવવામાં આવ્યો હતો.ત્યાં તેની સારવાર કરવામાં આવ્યા બાદ તાલુકા પોલીસમાં જાણ કરાતા તાલુકા પોલીસ મથકના વી.એસ.ડાંગર આગળની તપાસ ચલાવી રહ્યા છે.