વાહન ચોરનો આતંક: મોરબીમાંથી બાઇક-હળવદમાંથી બોલેરો ગાડીનો ચોરી

મોરબીના સનાળા રોડ ઉપર આવેલ નવા બસ સ્ટેશનના પાર્કિંગમાંથી બાઇક તેમજ હળવદ માર્કેટ યાર્ડના પાર્કિંગમાંથી બોલેરો ગાડીની ચોરી કરવામાં આવેલ છે જેથી કરીને વાહન ચોરીના જુદા જુદા બે ગુના બન્યા હોય સ્થાનિક પોલીસ સ્ટેશનમાં તેની ફરિયાદ લઈને પોલીસ દ્વારા આરોપીઓને પકડવા માટે તજવીજ શરૂ કરવામાં આવી છે

જાણવા મળતી માહિતી મુજબ મોરબી શહેરના સામાકાંઠા વિસ્તારમાં એલ.ઇ. કોલેજ નજીક રહેતા પરેશભાઈ વિનોદભાઈ પિત્રોડા જાતે લુહાર (૪૦)એ હાલમાં અજાણ્યા શખ્સની સામે મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યુ છે કે, મોરબી શહેરના શનાળા રોડ ઉપર નવા બસ સ્ટેશનના પાર્કિંગમાં તેણે પોતાનું બાઈક નંબર જીજે ૩૬ કે ૫૩૯૧ પાર્ક કરીને મૂક્યું હતું જે ૩૦૦૦૦ રૂપિયાની કિંમતનું બાઈક કોઈ અજાણ્યો શખ્સ ચોરી કરી ગયેલ છે જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે હાલમાં અજાણ્યા શખ્સની સામે ગુનો નોંધી આરોપીને પકડવા માટે તજવીજ શરૂ કરી છે

હળવદ નજીક આવેલ માર્કેટયાર્ડના પાર્કિંગમાં હળવદ જીઆઇડીસી સ્કૂલ નંબર-૧૧ ની બાજુમાં રહેતા મેહુલભાઈ ભુપતભાઈ રાતૈયા જાતે કોળી (૨૭) એ પોતાની બોલેરો પીકપ ગાડી નંબર જીજે ૧૩ એટી ૬૧૩૭ પાર્ક કરીને મૂકી હતી જે બોલેરો ગાડીની કિંમત રૂપિયા ૩ લાખના મુદ્દામાલની ગત તા. ૧૯/૧૨ ના રાતના ૯:૦૦ વાગ્યાથી લઈને ૨૦/૧૨ ના સવારના ૯:૩૦ વાગ્યા સુધીના સમયગાળા દરમિયાન મૂળ રાજસ્થાનના રહેવાસી દેવારામ પોખરારામ જાટ દ્વારા ચોરી કરવામાં આવેલ છે જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે બોલેરો ચોરીનો ગુનો નોંધીને આરોપીને પકડવા માટે થઈને તજવીજ શરૂ કરેલ છે

એક બોટલ દારૂ

મોરબી શહેરના ખત્રીવાડ વિસ્તારના નાકા પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની એક બોટલ મળી આવતા પોલીસે ૩૭૫ ની કિંમતની દારૂની બોટલ કબજે કરી હતી અને આરોપી નરવીનસિંહ ઉર્ફે નરેન્દ્રસિંહ મેરુભા ઝાલા જાતે દરબાર (૪૮) રહે. ખત્રીવાડ શેરી નં-૬ મોરબી વાળાની ધરપકડ કરી હતી અને મોરબી એ ડિવિઝન પોલીસ સ્ટેશન ખાતે તેની સામે ગુનો નોંધી આગળની રાબેતા મુજબની કાર્યવાહી હાથ ધરી છે