મોરબીના સનાળા રોડ ઉપર રહેતો યુવાન ઘરેથી કહ્યા વગર ગુમ, પોલીસ તપાસ શરૂ
Morbi Today
મોરબી-ટંકારામાં ૫૨ બોટલ દારૂ સાથે બે પકડાયા, બે ની શોધખોળ શરૂ
SHARE
JOIN OUR GROUP
મોરબી-ટંકારામાં ૫૨ બોટલ દારૂ સાથે બે પકડાયા, બે ની શોધખોળ શરૂ
મોરબીના સનાળા રોડ ઉપર આવેલ ગુજરાત હાઉસિંગ બોર્ડમાં રહેતા શખ્સના ઘરમાં દારૂનો જથ્થો હોવા અંગેની એલસીબીની ટીમને હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની ૫૦ બોટલો મળી આવતા પોલીસે રૂા.૧૯,૧૫૦ ની કિંમતનો મુદ્દામાલ કબ્જે કર્યો હતો અને એક બુટલેગરની સ્થળ ઉપરથી ધરપકડ કરેલ છે અને એક ઇસમનું નામ સામે આવ્યું હોય પોલીસ તેને પકડવા માટે તજવીજ શરૂ કરેલ છે.
ઉપરોકત દારૂની રેડની જાણવા મળતી માહીતી પ્રમાણે મોરબી જિલ્લા એસીબીની ટીમને મળેલ બાતમીના આધારે મોરબીના સનાળા રોડ ઉપર આવેલ ગુજરાત હાઉસિંગ બોર્ડના બ્લોક નંબર એમ-૬૮/૩૭૬ માં રહેતા મનોજભાઈ ખારેચાના ઘરમાં દારૂની રેડ કરવામાં આવી હતી.ત્યારે તેના ઘરમાંથી દારૂની ૫૦ બોટલો મળી આવતા પોલીસે રૂા.૧૯,૧૫૦ ની કિંમતનો મુદ્દામાલ કબ્જે કર્યો હતો અને સ્થળ ઉપરથી મળી આવેલા મનોજ કિશોરભાઈ ખારેચા જાતે મિસ્ત્રી(ઉમર ૪૯) રહે.સનાળા રોડ ગુજરાત હાઉસિંગ બોર્ડ મોરબી વાળાની ધરપકડ કરેલ છે અને તેની પાસેથી રાહીલ અયુબભાઈ માણેકિયા રહે.વાવડી રોડ મોરબી વાળાનું નામ સામે આવ્યું હોય પોલીસે તેને પકડવા માટે તજવીજ શરૂ કરી છે. આગળની તપાસ એ ડિવિઝનના એ.વી.પાતાળીયાને સોંપવામાં આવેલ છે.
તેમજ ટંકારા તાલુકાના હમીરપર ગામના પાટીયા પાસેથી એકટીવા નંબર જીજે ૩૬ એએચ ૯૬૯૧ લઈને એક શખ્સ પસાર થઈ રહ્યો હતો તેને રોકીને ટંકારા પોલીસે ચેક કર્યો હતો ત્યારે તેની પાસેથી દારૂની બે બોટલો મળી આવતા પોલીસે રૂા.૧૨૦૦ ની કિંમતની દારૂની બે બોટલો તેમજ રૂા.૬૦ હજાર રૂપિયાની કિંમતનું એકટીવા આમ કુલ મળીને રૂા.૬૧,૨૦૦ ની કિંમતનો મુદ્દામાલ કબ્જે કર્યો છે અને સ્થળ ઉપરથી ધર્મેશભાઈ લક્ષ્મણભાઈ ચાવડા (ઉંમર વર્ષ ૨૧) રહે. હમીરપર તાલુકો ટંકારા વાળાની ધરપકડ કરી છે અને તેની પાસેથી ભરતભાઈ જીવાભાઇ ચાવડા રહે.હમીરપર તાલુકો ટંકારા વાળાનું નામ સામે આવ્યું હોય પોલીસે બંનેની સામે ગુનો નોંધી ભરત ચાવડાને પકડવા માટે તજવીજ શરૂ કરી છે.
