મોરબી નજીક માર્કો વિલેજ સોસાયટી પાસે પોલીસની બોલેરો ગાડીએ બાઇકને હડફેટે લેતા સર્જાયેલ અકસ્માતમાં ઇજા પામેલ આધેડનું મોત
SHARE
JOIN OUR GROUP
મોરબી નજીક માર્કો વિલેજ સોસાયટી પાસે પોલીસની બોલેરો ગાડીએ બાઇકને હડફેટે લેતા સર્જાયેલ અકસ્માતમાં ઇજા પામેલ આધેડનું મોત
મોરબી તાલુકાના પીપળી ગામ પાસે આવેલ માર્કો વિલેજ સોસાયટી પાસેથી બાઈક લઈને પસાર થઈ રહેલા આધેડને પોલીસની બોલેરો ગાડીએ હડફેટે લીધા હતા જેથી કરીને તેને સારવાર માટે હોસેપિટલે લઇને આવ્યા હતા અને સારવાર દરમિયાન તેનું મોત નિપજ્યું છે જેથી કરીને હાલમાં ભોગ બનેલા આધેડના દીકરા દ્વારા મોરબી તાલુકા પોલીસ સ્ટેશન ખાતે પોલીસની બોલેરો ગાડીના ચાલક સામે ફરિયાદ નોંધાવવા આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મોરબી નજીકના પીપળી ગામની હદમાં આવતી હળવદ રોડ ઉપર ની માર્કો વિલેજ સોસાયટીમાં રહેતા ધવલભાઇ હીરાભાઈ રજોડીયા (૨૪) એ હાલમાં મોરબી તાલુકા પોલીસ સ્ટેશન ખાતે પોલીસની બોલેરો ગાડી નંબર જીજે ૧૮જીબી ૫૫૮૦ ના ચાલક સામે ફરિયાદ નોંધાવી છે જેમાં તેણે જણાવ્યુ છે કે ગત તા ૧૬/૨/૨૪ ના રોજ સવારે ૯;૦૦ વાગ્યાના અરસામાં તેના પિતા હીરાભાઈ રજોડીયા પોતાનું બાઈક નંબર જીજે ૩ બીજે ૮૫૦૫ લઈને માર્કો વિલેજ સોસાયટી ખાતે આવેલ દુકાનેથી મોરબી તરફ જવા માટે રોડ ક્રોસ કરતા હતા ત્યારે મોરબી તરફથી આવતી પોલીસની બોલેરો ગાડીના ચાલકે આગળના ભાગમાં જતી ફોર વ્હીલ ગાડી નો ઓવરટેક કરવા જતાં ફરિયાદીના પિતાના બાઈકને હડફેટે લીધુ હતો જેથી કરીને અકસ્માતનો બનાવ બન્યો હતો અને ફરિયાદીના પિતા ને માથાના ભાગે ગંભીર ઇજા થઈ હતી તેમજ પગમાં ફ્રેક્ચર થયું હતું જેથી કરીને તેને સારવાર માટે પ્રથમ મોરબીની સરકારી હોસ્પિટલ ખાતે લઈને આવ્યા હતા અને ત્યાંથી વધુ સારવાર માટે મોરબીની આયુષ હોસ્પિટલ ખાતે લઈ જવામાં આવ્યા હતા જોકે સારવાર દરમિયાન તેનુ મોત નીપજયુ હતપ જેથી કરીને ભોગ બનેલા આધેડના દીકરાએ નોંધાવેલ ફરિયાદ આધારે પોલીસે બોલેરો ગાડીના ચાલક સામે ગુનો નોંધી આરોપીને પકડવા માટે તજવીજ શરૂ કરી છે આ અંગેની આગળની વધુ તપાસ મોરબી તાલુકા પોલીસ સ્ટેશનના પીએસઆઇ બી.એ. ગઢવી ચલાવી રહ્યા છે
