મોરબીમાં ઝઘડાનું સમાધાન કરતાં સમયે યુવાન ઉપર છરી વડે હુમલો: પાંચ શખ્સો સામે ફરિયાદ
Morbi Today
મોરબીના જેતપર-અણીયારી રોડેથી ૩૭૬ બોટલ દારૂ ભરેલ કાર સાથે એક પડકાયો: ત્રણની શોધખોળ
SHARE
JOIN OUR GROUP
મોરબીના જેતપર-અણીયારી રોડેથી ૩૭૬ બોટલ દારૂ ભરેલ કાર સાથે એક પડકાયો: ત્રણની શોધખોળ
મોરબી તાલુકાનાં જેતપરથી અણીયારી વચ્ચે રોડ ઉપર હ્યુંડાઇ ક્રેટા કાર પસાર થઈ રહી હતી ત્યારે એલસીબીની ટિમ દ્વારા તે ગાડીને રોકવામાં આવી હતી અને આ ગાડીને ચેક કરવામાં આવી હતી ત્યારે ગાડીમાંથી દારૂની ૩૭૬ બોટલ મળી આવી હતી જેથી કરીને પોલીસે દારૂ અને કાર મળીને ૮,૪૨,૬૨૦ નો મુદામાલ કબજે કરેલ છે અને ગાડીના ચાલકને પકડવામાં આવેલ છે તેની પાસેથી દારૂ મંગાવનાર, ભરી આપનાર અને દારૂના માલિકના નામ સામે આવેલ છે જેથી કરીને પોલીસે તે તમામની સામે પ્રોહીબિશનની કલમ ૬૫(એ) (ઇ), ૧૧૬-(બી), ૮૧, ૯૮(૨), મુજબ ગુનો નોંધીને બાકીના આરોપીઓને પકડવા માટે ચક્રોગતિમાન કરેલ છે.
બનાવની જાણવા મળતી માહિતી મુજબ મોરબી જિલ્લા ટીમના દશરથસિંહ પરમાર અને તેજસ વિડજાને મળેલ બાતમી આધારે મોરબી તાલુકાનાં જેતપરથી અણીયારી વચ્ચે રોડ ઉપર વોચ રાખવામા આવી હતી ત્યારે રાતના ૧ વાગ્યે પસાર થઈ રહેલ હ્યુંડાઇ ક્રેટા કાર નંબર જીજે ૬ પીએચ ૨૧૧૨ ને એલસીબીની ટિમ દ્વારા રોકવામાં આવી હતી અને આ ગાડીને ચેક કરવામાં આવી હતી ત્યારે ગાડીમાંથી દારૂની ૩૭૬ બોટલ મળી આવી હતી જેથી પોલીસે ૧,૩૭,૬૨૦ નો દારૂ, ૫૦૦૦ ની કિંમતનો એક મોબાઈલ ફોન અને ૭,૦૦,૦૦૦ ની ગાડી આમ કુલ મળીને ૮,૪૨,૬૨૦ નો મુદામાલ કબ્જે કરલે છે અને હાલમાં મોરબી જિલ્લા એલસીબીના ભરતભાઈ ઘેલાભાઈ જીલરીયાએ મોરબી તાલુકા પોલીસ સ્ટેશન ખાતે નગારામ ભગવાનરામ ચૌધરી (જાટ) (૩૧) રહે. રામજી કા ગોલ ફાટા તાલુકો ગુડામાલાણી રાજસ્થાન, પકડાયેલા માલનો માલીક નરેશકુમાર મલાજીભાઈ પઢીયાર (નાઈ) રહે. શેરપુરા તાલુકો ડીસા જિલ્લો બનાસકાંઠા, માલ ભરાવી આપનાર જમારામ ઉફે જગમાલ જેઠારામ પ્રજાપતિ રહે. તેજીયાવાસ પોસ્ટ ડબોઇ તાલુકો ગુડામાલાણી રાજસ્થાન, માલ મંગાવનાર યશપાલસિંહ ધનુભા જાડેજા રહે. ખાનપર તાલુકો મોરબી અને તપાસમાં જેના નામ ખુલે તેની સામે ફરિયાદ નોંધાવેલ છે આ કામગીરી મોરબી જિલ્લા એલસીબીના પીઆઇ ડી.એમ. ઢોલની સૂચના મુજબ સ્ટાફ દ્વારા કરવામાં આવી હતી.
