હળવદની માથક શાળાના બાળકોએ બેગલેસ ડે માં સરકારી કચેરીઓ, માર્કેટ યાર્ડ અને કોર્ટની મુલાકાત લીધી
SHARE
JOIN OUR GROUP
હળવદની માથક શાળાના બાળકોએ બેગલેસ ડે માં સરકારી કચેરીઓ, માર્કેટ યાર્ડ અને કોર્ટની મુલાકાત લીધી
હળવદના માથક ગામની પે સેન્ટર શાળામાં ધો. ૬ થી ૮ માં અભ્યાસ કરતા વિદ્યાર્થીઓને હળવદ માર્કેટ યાર્ડ, કોર્ટ, મામલતદાર કચેરી, પોલીસ સ્ટેશન, તાલુકા પંચાયત તથા આઈ.ટી.આઈ. ની મુલાકાત લીધી હતી ત્યારે માર્કેટ યાર્ડની મુલાકાત સમયે ખેડૂતો દ્વારા લાવેલા વિવિધ પાકોનો ભાવ હરાજી દ્વારા કઈ રીતે નક્કી થાય, કેવી રીતે ખેડૂતોને પોષણક્ષમ ભાવ મળે તેની માહિતી આપવામાં આવી હતી ત્યાર બાદ બાળકોએ કોર્ટની મુલાકાત લીધી હતી ત્યારે કોર્ટમાં ચાલી રહેલા ફોજદારી કેસને પ્રત્યક્ષ નિહાળવાનો મોકો બાળકોને મળ્યો હતો. તેમજ કોર્ટના જજ અને સરકારી વકીલ દ્વારા બાળકોને તમામ બાબતોની માહિતી આપવામાં આવી હતી આવી જ રીતે મામલતદાર કચેરી, પોલીસ સ્ટેશન અને તાલુકા પંચાયત કચેરીની મુલાકાત લેવામાં આવી હતી. અને ત્યાં જથી કામગીરીની માહિતી મેળવી હતી આ કાર્યક્રમનું આયોજન માથક પે સેન્ટર શાળા પરિવારના આચાર્ય તથા શિક્ષક ગણ દ્વારા કરવામાં આવેલ હતું.
