મોરબી જિલ્લા કોંગ્રેસના વધુ એક પૂર્વ પ્રમુખે કોંગ્રેસ સાથે છેડો ફાડ્યો
SHARE
JOIN OUR GROUP
મોરબી જિલ્લા કોંગ્રેસના નવા પ્રમુખનું નામ જાહેર કરવામાં આવ્યું ત્યારથી કોંગ્રેસના ઘરમાં આગ લાગી હોય તેવો ઘાટ સર્જાયો છે અને ગઈકાલે જિલ્લા કોંગ્રેસના એક પૂર્વ પ્રમુખે પક્ષના પ્રાથમિક સભ્ય પદેથી પણ રાજીનામું આપ્યું છે ત્યારે આજે વધુ એક પૂર્વ પ્રમુખ દ્વારા તમામ હોદ્દા અને પક્ષના પ્રાથમિક સભ્ય પદ ઉપરથી રાજીનામું મૂકી દીધેલ છે
તાજેતરમાં મોરબી જિલ્લા કોંગ્રેસના નવા પ્રમુખ તરીકે કિશોરભાઈ ચીખલીયાનું નામ જાહેર કરવામાં આવ્યું છે ત્યારબાદ કોંગ્રેસના ઘરમાં આગ લાગી હોય તો એવો ઘાટ સર્જાયો છે અને થોડા દિવસો પહેલા મોરબી જિલ્લા કોંગ્રેસના પૂર્વ પ્રમુખ જયંતીભાઈ પટેલના નિવાસ્થાને પત્રકાર પરિષદ યોજાઇ હતી અને તેમાં કોંગ્રેસના હાજર રહેલા આગેવાનો દ્વારા નવા પ્રમુખ સામે વિરોધ વ્યક્ત કરીને આક્રોશ વ્યક્ત કરવામાં આવ્યો હતો ત્યારબાદ ગઈકાલે જયંતીભાઈ પટેલ દ્વારા કોંગ્રેસના તમામ હોદ્દા અને પ્રાથમિક સભ્યો પદ ઉપરથી રાજીનામું મુકવામાં આવ્યું છે અને આજે મોરબી જિલ્લા કોંગ્રેસના વધુ એક પૂર્વ પ્રમુખ દ્વારા કોંગ્રેસના તમામ હોદ્દા અને પ્રાથમિક સભ્ય પદ ઉપરથી રાજીનામું મુકવામાં આવ્યું છે જેની મળતી માહિતી મુજબ મોરબી નજીકના મહેન્દ્રનગર ગામે રહેતા અને મોરબી જિલ્લા કોંગ્રેસના પૂર્વ પ્રમુખ તેમજ જિલ્લા પંચાયતના કોંગ્રેસના માજી સભ્ય મુકેશભાઈ ગામી દ્વારા કોંગ્રેસના તમામ હોદ્દાઓ અને પ્રાથમિક સભ્ય પદ ઉપરથી રાજીનામું મૂકવામાં આવ્યું છે અને હજુ પણ કેટલાક આગેવાનોના રાજીનામાં પડે તેવી શક્યતાઓ દેખાઈ રહી છે
