મોરબીના ઉંચી માંડલ પાસે કારખાનામાં મશીનના બેલ્ટમાં આવી ગયેલા યુવાનનું મોત

મોરબી તાલુકાના ઉંચી માંડલ ગામ પાસે સિરામિક કારખાનામાં યુવાન કામગીરી કરી રહ્યો હતો દરમિયાન કોઈ કારણોસર તેનો પગ સ્લીપ થઈ જતા તે મશીનના બેલ્ટમાં આવી ગયો હતો જેથી કરીને તેને ગંભીર ઇજા થઈ હોવાથી સારવાર માટે મોરબીની ખાનગી હોસ્પિટલમાં લઈ ગયા હતા અને ત્યાંથી વધુ સારવાર માટે મોરબીની સરકારી હોસ્પિટલ ખાતે લઈ ગયા હતા અને ત્યાં ફરજ પરના ડોક્ટરે જોઈ તપાસીને યુવાનને મૃત જાહેર કર્યો હતો ત્યારબાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી હળવદ હાઇવે રોડ ઉપર આવેલ ઉંચી માંડલ ગામ પાસે સ્પેરોન વિટ્રીફાઈડ નામના કારખાનામાં રહેતો અને ત્યાં મજૂરી કામ કરતો પારસિંગ ભુરાભાઈ ભીલવાલે (૪૧) નામનો યુવાન ગઈકાલે બપોરે દોઢેક વાગ્યાના અરસામાં કારખાનામાં મશીન ઉપર કામગીરી કરી રહ્યો હતો દરમિયાન કોઈ કારણોસર તેનો પગ સ્લીપ થઈ જતા તે મશીનના બેલ્ટમાં આવી ગયો હતો જેથી કરીને તેને ઈજા થઈ હોવાથી સારવાર માટે પ્રથમ મોરબીની ખાનગી હોસ્પિટલમાં લઈને આવ્યા હતા ત્યાંથી તેને મોરબીની સરકારી હોસ્પિટલ ખાતે લઈને આવતા ત્યાં ફરજ પરના ડોક્ટરે તેને જોઈ તપાસીને યુવાનને મૃત જાહેર કર્યો હતો અને ત્યારબાદ આ બનાવની મોરબી તાલુકા પોલીસને આ બનાવની જાણ કરી હતી જેથી કરીને પોલીસે બનાવની નોંધ કરીને આગળની કાર્યવાહી કરેલ છે