મોરબીમાંથી બાઇકની ચોરી કરનારા રીઢા ચોરની ધરપકડ

મોરબીના સનાળા રોડ ઉપર આવેલ નવા બસ સ્ટેશનના પાર્કિંગમાંથી બાઇકની ચોરી કરી હતી જે આરોપી રાજકોટમાં ચોરીના ગુના પકડાયો હતો અને તેને મોરબીમાં બાઇક ચોરી કરી હોવાઈ કબૂલાત આપેલ છે જેથી કરીને હાલમાં પોલીસે આરોપીની ધરપકડ કરીને આગળની કાર્યવાહી કરેલ છે

જાણવા મળતી માહિતી મુજબ મોરબી શહેરના સામાકાંઠા વિસ્તારમાં એલ.ઇ. કોલેજ નજીક રહેતા પરેશભાઈ વિનોદભાઈ પિત્રોડા જાતે લુહાર (૪૦)એ અજાણ્યા શખ્સની સામે મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવી હતી કે, મોરબી શહેરના શનાળા રોડ ઉપર નવા બસ સ્ટેશનના પાર્કિંગમાં તેણે પોતાનું બાઈક નંબર જીજે ૩૬ કે ૫૩૯૧ પાર્ક કરીને મૂક્યું હતું જે ૩૦૦૦૦ રૂપિયાની કિંમતનું બાઈક કોઈ અજાણ્યો શખ્સ ચોરી કરી ગયેલ છે જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે હાલમાં અજાણ્યા શખ્સની સામે ગુનો નોંધી આરોપીને પકડવા માટે તજવીજ શરૂ કરી હતી તેવામાં આરોપી ઘનશ્યામ સાવજીભાઈ દૂધાત જાતે પટેલ (૨૭) રહે. રફાળેશ્વર મોરબી વાળાની ધરપકડ કરેલ છે અત્રે ઉલેખનીય છે કે, આ આરોપીની રાજકોટમાં બાઇક ચોરીના ગુનામાં એલસીબી દ્વારા ધરપકડ કરવામાં આવી છે અને તેને મોરબીમાં બાઇક ચોરી કરી હોવાની કબૂલાત આપેલ છે જેથી કરીને હાલમાં મોરબી પોલીસ તેનો કબ્જો લઈને ચોરી કરેલ બાઇકને કબજે લેવા માટે આગળની કાર્યવાહી કરેલ છે