મોરબીમાં હોસ્પિટલના મેડિકલ સ્ટોરમાંથી રોકડા ૧.૭૦ લાખની ચોરી

મોરબી શહેરના સાવસર પ્લોટ વિસ્તારમાં આવેલ ગોકુલ હોસ્પિટલમાં આવેલા મેડિકલ સ્ટોરમાં કોઈ અજાણ્યા શખ્સે પ્રવેશ કર્યો હતો અને ત્યાં ટેબલના ખાનામાં રાખવામા આવેલ રોકડા ૧.૭૦ લાખની ચોરી કરી છે જેથી ભોગ બનેલા યુવાને દ્વારા હાલમાં અજાણ્યા શખ્સની સામે મોરબી સીટી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવવામાં આવેલ છે જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ મોરબીમાં શનાળા રોડ ઉપર ઉમિયા સર્કલથી દલવાડી ચોકડી તરફ જવાના રસ્તા ઉપર આવતા ગોકુલમથુરામાં આવેલ ધ્યેય એપાર્ટમેન્ટમાં રહેતા વિમલભાઈ જેરામભાઈ બોડા જાતે પટેલ (૩૯)એ મોરબી સીટી એ ડિવિઝન પોલીસ સ્ટેશન ખાતે અજાણ્ય શખ્સની સામે ચોરીની ફરિયાદ નોંધાવેલ છે જેમાં તેને જણાવ્યુ છે કે, મોરબીના સાવસર પ્લોટ શેરી નં-૧૨ માં ગોકુલ હોસ્પિટલ આવેલ છે અને તેમાં કાર્યરત આર્ય મેડિકલ સ્ટોરમાં કોઈ અજાણ્યા શખ્સ દ્વારા ડોક્ટરની ઓફિસમાંથી ચાવી મેળવીને મેડિકલ સ્ટોરનો દરવાજો ખોલી મેડિકલ સ્ટોરમાં પ્રવેશ કરવામાં આવ્યો હતો અને ત્યારબાદ ત્યાં ટેબલના ખાનામાં રાખવામાં આવેલા ૧.૭૦ લાખ રૂપિયાની ચોરી કરવામાં આવેલ છે જેથી કરીને રોકડા રૂપિયાની ચોરી કરવામાં આવી હોવા અંગેની હાલમાં યુવાને નોંધ આવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરી છે અને આ અંગેની આગળની વધુ તપાસ મોરબી એ ડિવિઝન પોલીસ સ્ટેશનના પીએસઆઇ એ.વી. પાતાળિયા ચલાવી રહ્યા છે