મોરબીમાં મારામારીની જુદીજુદી ચાર ઘટનામાં ઇજા પામેલ બે મહિલા સહિત કુલ પાંચ ઇજાગ્રસ્ત સારવારમાં
Morbi Today
મોરબીના સોખડા ગામના પાટિયા પાસે અકસ્માત કરીને યુવાનનું મોત નિપજાવનાર ટ્રક ટ્રેલરના ચાલકની ધરપકડ
SHARE
JOIN OUR GROUP
મોરબીના સોખડા ગામના પાટિયા પાસે અકસ્માત કરીને યુવાનનું મોત નિપજાવનાર ટ્રક ટ્રેલરના ચાલકની ધરપકડ
માળીયા મીયાણા ખાતે રહેતો અને સોખડા ગામ પાસે આવેલ કારખાનામાં સફાઈનું કામ કરતો યુવાન પોતાનું કામ પૂરું કરીને બાઇક લઈને ઘર તરફ જઈ રહ્યો હતો ત્યારે રસ્તામાં સોખડા ગામના પાટીયા પાસે તે રોડ સાઈડમાં પોતાનું બાઈક લઈને ઉભો હતો ત્યારે ટ્રક ટ્રેલરના ચાલકે અચાનક વળાંક લઈ લેતા તે યુવાનને બાઇક સહિત હડફેટે લીધો હતો અને તે યુવાનને હાથ, પેટ અને થાપાના ભાગે ગંભીર ઇજા થઈ હોવાથી તેનું મોત નીપજ્યું હતું જેની ફરિયાદ આધારે પોલીસે આરોપી ટ્રક ટ્રેલરના ચાલકની ધરપકડ કરીને આગળની કાર્યવાહી કરેલ છે
જાણવા મળતી માહિતી મુજબ મોરબીના વાવડી રોડ ઉપર આવેલ શિવમ પાર્ક ઉમિયા પાર્કની અંદરના ભાગમાં રહેતા નવીનભાઈ મગનભાઈ વાણીયા જાતે વાલ્મિકી (૩૮)એ મોરબી તાલુકા પોલીસ સ્ટેશન ખાતે ટ્રક ટ્રેલર નંબર આરજે ૩૨ જીડી ૩૩૫૭ ના ચાલક સામે ફરિયાદ નોંધાવેલ હતી કે, માળીયા મીયાણા ખાતે રહેતા તેના મોટાભાઈ મેહુલભાઈ મગનભાઈ વાણીયા જાતે વાલ્મિકી (૪૩) સોખડા ગામ પાસે આવેલ કારખાનામાં સફાઈ કામ કરવા માટે થઈને આવ્યા હતા અને ત્યાં પોતાનું કામ પૂરું કર્યા બાદ તેઓ પોતાના ઘર તરફ જઈ રહ્યા હતા અને સોખડા ગામ તરફથી પૂર ઝડપે આવી રહેલ ટ્રક ટ્રેલરના ચાલકે અચાનક જ વળાંક લઈ લેતા સોખડા ગામના પાટિયા પાસે રોડ સાઈડમાં ઉભેલા ફરિયાદીના મોટાભાઈ મેહુલભાઈને તેના બાઈક નંબર જીજે ૩ એડી ૪૦૭૯ સાથે હડફેટે લીધા હતા અને ત્યારે તેને હાથ, પેટ અને થાપાના ભાગે ઇજાઓ થઇ હોવાથી મેહુલભાઈનું મોત નીપજ્યું હતું જેની ફરિયાદ આધારે પોલીસે આ ગુનામાં આરોપી રામઅવતાર ગિરિરાજપ્રસાદ ગુર્જર (૪૫) રહે. બહારપુર કિશનગઢ અલવર રાજસ્થાન વાળાની ધરપકડ કરીને આગળની કાર્યવાહી કરેલ છે
બ્લેડ વડે ઇજા
મોરબી શહેરમાં ગેંડા સર્કલ પાસે રહેતા દેવા રવજીભાઈ વાઘેલા (૩૦) નામના યુવાને પોતે પોતાના જાતે છાતીએ બ્લડ વડે ઇજા કરી લીધી હતી જેથી કરીને ઇજા પામેલા યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ એચ.એમ. મકવાણા દ્વારા કરવામાં આવી છે
