મોરબીના અણીયારી ગામ નજીકથી સગીરાનું અપહરણ, ફરિયાદ નોંધાતા તપાસ શરૂ
Morbi Today
મોરબીમાં મારામારીની જુદીજુદી ચાર ઘટનામાં ઇજા પામેલ બે મહિલા સહિત કુલ પાંચ ઇજાગ્રસ્ત સારવારમાં
SHARE
JOIN OUR GROUP
મોરબીમાં મારામારીની જુદીજુદી ચાર ઘટનામાં ઇજા પામેલ બે મહિલા સહિત કુલ પાંચ ઇજાગ્રસ્ત સારવારમાં
મોરબી બી ડિવિઝન પોલીસ સ્ટેશનની હદમાં આવતા જુદા જુદા વિસ્તારોની અંદર મારામારીની ચાર ઘટનાઓ બની હતી જેમાં ઇજા પામેલ બે મહિલા સહિત કુલ મળીને પાંચ વ્યક્તિઓને સારવાર માટે હોસ્પિટલે ખસેડવામાં આવ્યા છે અને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
મોરબીની માળિયા વનાળીયા સોસાયટીમાં રહેતા ધર્મેશ વાલજીભાઈ આંબલીયા (૨૮) નામના યુવાનને મોરબીના નજરબાગ રેલવે સ્ટેશન પાસે મારામારીના બનાવમાં ઇજા થયેલ હતી જેથી કરીને હાલતમાં તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ જે.જે. ડાંગર કરી રહ્યા છે
મોરબીના સોઑરડીમાં રહેતા વિજયાબેન ભુપતભાઈ ડાભી (૫૦) અને કાજલબેન ભુપતભાઈ ડાભી (૨૫) નામના બે મહિલાઓને ઘરે થયેલ મારામારીના બનાવવા માટે સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને વધી તપાસ જે.જે. ડાંગર ચલાવી રહ્યા છે
મોરબીના વીસીપરા વિસ્તારની અંદર આવેલ કુલીનગરમાં રહેતા કાસમભાઈ મકબુલભાઈ કચ્છી (૩૪) નામના યુવાનને ઘર પાસે થયેલ મારામારીના બનાવમાં ઈજા થતાં સારવાર માટે મોરબીની સિવિલ હોસ્પિટલે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે આગળની કાર્યવાહી હાથ ધરી છે અને આ બનાવમાં વધુ તપાસ પી.જે. પરમાર ચલાવી રહ્યા છે
મોરબીમાં ઉમિયા નગરમાં રહેતા મનસુખભાઈ મોહનભાઈ (૩૫) નામનો યુવાન મોરબીમાં ભડિયાદ કાંટા નજીક હતો ત્યારે ત્યાં મારામારીના બનાવમાં ઈજા થતા તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરીને આગળની કાર્યવાહી કરેલ છે અને વધુ તપાસ એચ.એમ. મકવાણા ચલાવી રહ્યા છે
અકસ્માતમાં ઇજા
મોરબીના ઘુટુ ગામ પાસે હરિઓમ પાર્કમાં રહેતા તુપેસ હસમુખભાઈ અજાણીયા (૩૨) નામના યુવાનને મોરબીની મહેન્દ્રનગર ચોકડી પાસેથી બાઈક લઈને જતો હતો ત્યારે અકસ્માતના બનાવમાં ઇજા થયેલ હતી જેથી તેને ખાનગી હોસ્પિટલમાં લઈને આવ્યા હતા ત્યાં તેને સારવાર આપીને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે આગળની કાર્યવાહી કરી હતી અને વધુ તપાસ જે.જે. ડાંગર ચલાવી રહ્યા છે
અકસ્માતમાં ઇજા
મોરબીના વિસ્તારમાં બિલાલી મસ્જિદની પાસે રહેતા ચૌહાણ રાજેશ્વરીબેન જયંતીભાઈ (૧૦) નામની બાળકી બાઇકમાં પાછળના ભાગે બેસીને જઈ રહી હતી ત્યારે કોઈ કરણસર બાઈક સ્લીપ થતા અકસ્માત થયો હતો અને તે બાળકીને ઇજા થતાં તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસે જાણ કરવામાં આવી હતી
