મોરબીના મહેન્દ્ર ડ્રાઇવ રોડે ગોલા બજારમાં લારીઓ-ખુશીઓના પથારા કરનારા પાંચ વેપારી સામે કાર્યવાહી
Morbi Today
મોરબીમાં કહ્યા વિના ઘરેથી નીકળી ગયેલી યુવતીની શોધખોળ શરૂ
SHARE
JOIN OUR GROUP
મોરબીમાં કહ્યા વિના ઘરેથી નીકળી ગયેલી યુવતીની શોધખોળ શરૂ
મોરબીના સામાકાંઠે આવેલ સોઓરડી વિસ્તારમાં રહેતા ખોજા પરિવારની યુવતી ઘરેથી કોઈને કંઈ પણ કહ્યા વગર એક અઠવાડિયાથી ગુમ થઈ ગયેલ હોય તેણીની માતા દ્વારા મોરબી સીટી બી ડિવિઝન પોલીસ સ્ટેશન ખાતે આ બાબતે નોંધ કરાવવામાં આવી હતી.જેથી હાલ પોલીસ દ્વારા ગુમસુધા નોંધ દાખલ કરીને ગુમ થયેલ યુવતીને શોધવા તજવીજ શરૂ કરવામાં આવેલ છે.
મોરબી સીટી બી ડિવિઝન પોલીસ સૂત્રોમાંથી મળતી માહિતી પ્રમાણે મોરબીના સામાકાંઠા વિસ્તારમાં આવેલ સોઓરડી વિસ્તારમાં જરીયા પાન નજીકની શેરીમાં રહેતા મુમતાઝબેન યુસુફભાઈ કચરાણી જાતે ખોજા (ઉંમર ૪૦) નામના મહિલાએ પોલીસ સ્ટેશન ખાતે આવીને જાહેર કર્યું હતું કે, ગત તા.૨૨-૩ ના વહેલી સવારે છએક વાગ્યાના અરસામાં ઘરેથી કોઈને કંઈપણ જાણ કર્યા વગર તેઓની દીકરી ડોલીબેન યુસુફભાઈ કચરાણી ખોજા (ઉમર ૨૧) રહે.જરીયા પાન નજીક સોઓરડી મોરબી-૨ ક્યાંક જતી રહેલ છે અને ઘરમેળે શોધખોળ કરવા છતાં પણ તેણીનો પતો લાગેલ નથી.જેથી હાલ બી ડિવિઝન પોલીસ દ્વારા ગુમસુધા નોંધ દાખલ કરીને ગુમ થયેલા ડોલીબેનને શોધવા તપાસ શરૂ કરવામાં આવી છે.આ કેસની આગળની તપાસ બી ડિવિઝન પોલીસ મથકના હિતેશભાઈ મકવાણા ચલાવી રહ્યા છે.
ઝેરી દવા પી જતા યુવાન સારવારમાં
મોરબી તાલુકાના જેતપર ગામની સીમ વિસ્તારમાં જયેશભાઈ મગનભાઈની વાડીએ રહીને મજૂરી કામ કરતો રાકેશ ગોપાલભાઈ રાઠોડ નામનો ૨૫ વર્ષીય યુવાન કોઈ અગમ્ય કારણોસર ઝેરી દવા પી ગયો હતો.જેથી તેને અત્રેની સરકારી હોસ્પિટલ ખાતે સારવાર માટે લાવવામાં આવ્યો હતો.ગત તા.૨૫-૩ ના રાત્રીના નવેક વાગ્યાના અરસામાં તેણે વાડી ખાતે દવા પી લીધેલી હોય તેને સારવાર માટે સિવિલે ખસેડાયો હતો અને હોસ્પિટલ ખાતે સારવાર કરવામાં આવ્યા બાદ હોસ્પીટલ દ્રારા આ અંગે તાલુકા પોલીસ મથકમાં જાણ કરવામાં આવતા તાલુકા પોલીસ મથકના વિજયભાઈ ડાંગર દ્વારા આ બનાવની નોંધ કરીને બનાવના કારણ સંદર્ભે તપાસ શરૂ કરાઈ હતી.
ફિનાઇલ પી લેતા સારવારમાં
મોરબીના રામઘાટ નજીક બ્રાહ્મણ ભોજન શાળા પાસે આવેલ મકરાણીવાસ વિસ્તારમાં રહેતા સમશાદબેન રસીદભાઈ બ્લોચ નામની ૩૦ વર્ષીય મહિલાએ તેના ઘરે કોઈ અગમ્ય કારણોસર ફીનાઇલ પી લીધું હતું.જેથી કરીને તેણીને અત્રેની સરકારી હોસ્પિટલ ખાતે સારવાર માટે લાવવામાં આવી હતી.હોસ્પિટલ ખાતે તેઓની સારવાર કરવામાં આવ્યા બાદ હોસ્પીટલ સુત્રો દ્રારા સીટી એ ડિવિઝન પોલીસ મથક ખાતે આ બાબતે જાણ કરવામાં આવી હતી જેથી એ ડિવિઝન પોલીસ મથકના વિપુલભાઈ ફૂલતરીયા દ્વારા નોંધ કરીને બનાવના કારણ અંગે તપાસ કરવામાં આવી હતી.
