મોરબીના મહેન્દ્રનગર ગામે પરસોતમ રૂપાલાના સમર્થનમાં સર્વ સમાજની સભા યોજાઇ
Morbi Today
મોરબીના લીલાપર નજીક બાઇકમાં સાડીનો છેડો આવી જતાં અકસ્માત: ઇજા પામેલ મહિલા સારવારમાં
SHARE
JOIN OUR GROUP
મોરબીના લીલાપર નજીક બાઇકમાં સાડીનો છેડો આવી જતાં અકસ્માત: ઇજા પામેલ મહિલા સારવારમાં
મોરબીના લીલાપર ગામે રહેતી મહિલા બાઇકમાં પાછળના ભાગે બેસીને જઈ રહ્યા હતા ત્યારે કેશવ પાર્ટી પ્લોટ સામે રસ્તા ઉપર બાઈકમાં તેની સાડીઓ છેડો આવી જવાના કારણે અકસ્માત થયો હતો અને મહિલા રોડ ઉપર નીચે પડી હતી જેથી તેને ઇજા થતાં તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે આગળની કાર્યવાહી હાથ ધરી છે
બનાવવી જાણવા મળતી માહિતી મુજબ મોરબી તાલુકાના લીલાપર ગામે રહેતા રંજનબેન કિરીટભાઈ મેજડિયા (૪૧) નામના મહિલા બાઇકમાં પાછળના ભાગે બેસીને મોરબીના રવાપર કેનાલ રોડ ઉપર આવેલ કેશવ પાર્ટી પ્લોટ સામેથી રસ્તા ઉપરથી પસાર થઈ રહ્યા હતા ત્યારે બાઈકના પાછળના વ્હીલમાં તેની સાડી આવી જવાના કારણે અકસ્માત થયો હતો અકસ્માતના બનાવમાં રંજનબેન રસ્તા ઉપર નીચે પટકાતા તેઓને જમણા હાથમાં ઇજા થઈ હતી અને ઇજા પામેલ મહિલાને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે અને આ બનાવની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા ચલાવી રહ્યા છે
માર માર્યો
મોરબી તાલુકાના પાનેલી રોડ ઉપર આવેલ સિમેરો સિરામિકના લેબર કવાર્ટર પાસે મારામારીનો બનાવ બન્યો હતો જેમાં સકીનાબેન નાયકભાઈ પઠાણ (૧૯) નામની યુવતીને ઇજાઓ થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ એ.એમ. ઝપડીયા ચલાવી રહ્યા છે
મહિલા સારવારમાં
મોરબી તાલુકાના થોરાળા ગામે રહેતા શીતલબેન દામજીભાઈ સવસાણી (૨૮) નામની મહિલા તેના પતિના બાઈકમાં પાછળના ભાગે બેસીને મોરબીના બાયપાસ રોડ ઉપર આવેલ દલવાડી સર્કલ પાસેથી પસાર થઈ હતી ત્યારે કોઈ કારણોસર બાઈક સ્લીપ થઈ ગયું હતું જેથી કરીને શીતલબેન રસ્તા ઉપર નીચે પટકાતા તેઓ સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી કરી હતી અને વધુ તપાસ હરેશભાઈ ચાવડા ચલાવી રહ્યા છે
