મોરબી ગ્રાહક સુરક્ષા મંડળની દરમ્યિાનગીરીથી વિમેદારને 1.77 લાખનો વીમો મળ્યો
SHARE
JOIN OUR GROUP
મોરબી ગ્રાહક સુરક્ષા મંડળની દરમ્યિાનગીરીથી વિમેદારને 1.77 લાખનો વીમો મળ્યો
મોરબી શનાળા રોડ હાઉસીંગ બોર્ડમાં રહેતા હિતેશ જયંતિલાલના ધર્મપત્ની જયોતીબેને મેડીકલ વીમો સ્ટાર હેલ્થ એન્ડ લાઇફ ઇન્સ્યો.લી. પાસેથી લીધેલ હતો.દરમિયાન તેઓને જમણા ઘુંટણે દુખાવો થતાં તેઓએ સ્ટર્લિંગ હોસ્પીટલમાં ઓપરેશન કરાવેલ અને તેનો ખર્ચ રૂા.૧,૭૬,૯૦૫ (એક લાખ છોતેર હજાર નવસો પાંચ) થયો હતો.વીમા કંપનીએ સાચા ખોટા બાના બતાવીને વીમો નામંજુર કર્યો હતો.જેથી હિતેશભાઇએ મોરબી શહેર-જીલ્લા ગ્રાહક સુરક્ષા મંડળના પ્રમુખ લાલજીભાઇ મહેતા દ્રારા મોરબી જીલ્લા ગ્રાહક તકરાર કમીશનમાં ફરિયાદ દાખલ કરાવી હતી.
જેમાં વીમા કંપનીને કોર્ટ કહ્યું હતુ કે તમારી સેવામાં ખામી છે.ગ્રાહકે વીમાનું પ્રીમીયમ ભરેલ છે માટે તેનો થયેલ ખર્ચ રૂા.૧,૭૬,૯૦૫ તા.૨૭-૪-૨૩ થી ૬ ટકા ના વ્યાજ સાથે અને રૂપીયા પાંચ હજાર અન્ય ખર્ચ પેટે ચુકવવાનો હુકમ કરેલ છે.ગ્રાહકે પોતાના હક માટે લડત કરવી જોઇએ.વીમો લેતી વખતે વીમા કંપનીને દરેક વસ્તુ પુરી પાડવી જોઇએ.કોઇપણ ગ્રાહકને વીમો-ફાઇન્સ કે અન્ય બાબતમાં અન્યાય થયો હોય તો સંસ્થાના પ્રમુખ લાલજીભાઈ મહેતા (મો. ૯૮૨૫૭ ૯૦૪૧૨) ઉપ પ્રમુખ બળવંત ભટ્ટ (મો.૯૩૨૭૪ ૯૯૧૮૫) અથવા મંત્રી રામભાઈ મહેતા (મો.૯૯૦૪૭ ૯૮૦૪૮) નો સંપર્ક કરવો તેમ યાદી જણાવવામાં આવેલ છે.
