મોરબીમાં સફાઈ કરતાં સમયે એપાર્ટમેન્ટના પાંચમા માળેથી નીચે પટકાતાં મહિલાનું મોત
SHARE
JOIN OUR GROUP
મોરબીમાં સફાઈ કરતાં સમયે એપાર્ટમેન્ટના પાંચમા માળેથી નીચે પટકાતાં મહિલાનું મોત
મોરબીના કન્યા છાત્રાલય રોડ ઉપર આવેલ ધર્મવીર સોસાયટીમાં એપાર્ટમેન્ટના પાંચમા માળ ઉપરથી સફાઈ કામ દરમિયાન નીચે પટકાતા મહિલાનું મોત નીપજયું હતું. જેથી તે મહિલાના મૃતદેહને પીએમ માટે મોરબીની સિવિલ હોસ્પિટલ ખાતે લાવ્યા હતા અને આ બનાવની મૃતકના પતિ દ્વારા મોરબી એ ડિવિઝન પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી છે.
બનાવી જાણવા મળતી માહિતી મુજબ મોરબીના કન્યા છાત્રાલય રોડ ઉપર આવેલ ધર્મવીર સોસાયટીમાં તુલસી ટ્વિન્સ ફ્લેટ નંબર 504 માં રહેતા પ્રકાશભાઈ થોભણભાઈ મારવાણીયાના પત્ની શારદાબેન પ્રકાશભાઈ મારવાણીયા (45) પોતાના ફ્લેટમાં પાંચમા માળ ઉપર સાફ-સફાઈ કરતા હતા. ત્યારે શરીરનું સંતુલન ગુમાવતા તેઓ પાંચમા માળેથી નીચે પટકાતા તેઓને શરીરે ગંભીર ઇજા થઈ હતી. જેથી તેને તાત્કાલિક મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેમને જોઈ તપાસીને મૃત જાહેર કર્યા હતા. ત્યારબાદ આ બનાવની મોરબી એ ડિવિઝન પોલીસને મૃતક મહિલાના પતિ દ્વારા જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે. અને આ બનાવની પ્રાથમિક તપાસ વિપુલભાઈ પટેલ દ્વારા કરવામાં આવી હતી
100 લિટર દેશી દારૂ
મોરબી તાલુકાના જાંબુડીયા ગામના પાવર હાઉસની પાછળ કચરાના ઢગલા પાસે એલસીબીની ટીમ દ્વારા દારૂની રેડ કરવામાં આવી હતી ત્યારે સ્થળ ઉપરથી 100 લિટર દેશી દારૂનો જથ્થો મળી આવ્યો હતો જેથી પોલીસે 2000 રૂપિયાની કિંમતો દારૂનો જથ્થો કબજે કર્યો હતો અને આરોપી કરણભાઈ રમેશભાઈ અગેચાણીયા જાતે કોળી (25) રહે. કબીર ટેકરી શેરી નં-3 મોરબી વાળાની ધરપકડ કરી હતી અને તેની પાસેથી યાસ્મીન ઉર્ફે આરતી સંજયભાઈ અગેચાણીયા જાતે કોળી રહે. શોભેસ્વર રોડ શોભેસ્વર સોસાયટી મોરબી વાળીનું નામ સામે આવતા તેની સામે પણ ગુનો નોંધી તેને પકડવા માટે પોલીસે તજવીજ શરૂ કરી છે
