હળવદના નવા ધનાળા ગામ ખેડૂત યુવાનને નજીવી વાતમાં પાડોશી ખેડૂતે માર માર્યો: જાનથી મારી નાખવાની ધમકી
Morbi Today
મોરબી નજીક કાવું મારવા જતાં પલટી મારી ગયેલ ડમ્પર પેટ્રોલ પંપની દિવાલ સાથે અથડાયું
SHARE
JOIN OUR GROUP
મોરબી નજીક કાવું મારવા જતાં પલટી મારી ગયેલ ડમ્પર પેટ્રોલ પંપની દિવાલ સાથે અથડાયું
મોરબીના કંડલા બાયપાસ રોડ ઉપર આવેલ પેટ્રોલ પંપ પાસેથી ડમ્પર લઈને પસાર થઈ રહેલા શખ્સે કાવું મારવા જતા ડમ્પરના સ્ટેરીંગ ઉપરથી કાબુ ગુમાવી દીધો હતો અને ડમ્પર પલટી ખાઈ ગયું હતું. અને ત્યારબાદ ત્યાં આવેલ પેટ્રોલ પંપની દિવાલ સાથે અથડાયું હતું જેથી પેટ્રોલ પંપમાં નુકસાની થયેલ હોવાથી હાલમાં આ બનાવની મોરબી તાલુકા પોલીસ સ્ટેશન ખાતે ફરિયાદ નોંધાયેલ છે જેના આધારે પોલીસે અકસ્માત સર્જીને નાસી છૂટેલું ડમ્પર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે.
જાણવા મળતી માહિતી મુજબ મૂળ રાજસ્થાનના રહેવાસી અને હાલમાં ધરમપુર ગામની સીમમાં હીના પેટ્રોલ પંપના રૂમમાં રહેતા અને ત્યાં મેનેજર તરીકે કામ કરતા લખમારામ મોતીરામ પંચાલ જાતે મેઘવાલ (30) નામના યુવાને ડમ્પર નંબર જીજે 36 વી 9969 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે. જેમાં તેને જણાવ્યું છે કે, મોરબીના કંડલા બાયપાસ રોડ ઉપર હીના પેટ્રોલ પંપ પાસેથી આરોપી પોતાના હવાલા વાળું ડમ્પર લઈને જઈ રહ્યો હતો ત્યારે અન્ય વાહનનું કાવુ મારવા જતા ડમ્પર ચાલકે તેના વાહનના સ્ટેરીંગ ઉપરથી કાબુ ગુમાવ્યો હતો જેથી ડમ્પર પલટી મારી ગયું હતું અને ડમ્પર પેટ્રોલ પંપની દિવાલ સાથે આડુ અથડાતા દિવાલમાં તથા ત્યાં રાખવામાં આવેલ હવા ભરવા માટેના કમ્પ્રેસર મશીનમાં નુકસાની થયેલ છે. અને ડમ્પર ચાલક અકસ્માત સર્જીને પોતાનું વાહન ત્યાં મૂકીને નાસી ગયો હતો. જેથી હાલમાં પેટ્રોલ પંપના મેનેજરે નોંધાવેલ ફરિયાદ આધારે પોલીસે ડમ્પર ચાલક સામે ગુનો નોંધી આરોપીને પકડવા માટે તજવીજ શરૂ કરી છે અને આ અંગેની આગળની વધુ તપાસ એ.એમ. જાપડીયા ચલાવી રહ્યા છે.
