મોરબી નજીક ખનીજચોરી !: એક હ્યુન્ડાઇ એસ્કેવેટર-ત્રણ ડમ્પર સીઝ, દંડ વસૂલવા કવાયત

મોરબી જિલ્લા ખાણ ખનીજ વિભાગના અધિકારી નીચી માંડલ ગામ પાસે રેડ કરી હતી ત્યારે ખનીજ ચોરી ચાલી રહી હોવાનું સામે આવ્યું હતું જેથી ત્યાં રેડ કરીને એક હ્યુન્ડાઇ એસ્કેવેટર, ત્રણ ડમ્પર સીઝ કર્યા હતા અને આ વાહનો નીચી માંડલ ગામે રહેતા શખ્સનાં હોવાનું સામે આવ્યું હતું જેથી તેની પાસેથી દંડ વસૂલ કરવા માટેની કવાયત હાથ ધરી છે.

મોરબી જિલ્લાના ખાણ ખનીજ વિભાગના અધિકારી જે.એસ.વાઢેર અને તેની ટીમને મળેલ ફરિયાદ આધારે મોરબી તાલુકાના નીચીમાંડલ ગામ પાસે રેડ કરી હતી ત્યારે ખનીજ ચોરી ચાલુ હોવાનું સામે આવ્યું હતું જેથી સ્થળ ઉપરથી એક હ્યુન્ડાઈ એસ્કેવેટર મશીન જેના ચેસીસ નં-N635D03987 તેમજ ત્રણ ડમ્પર જેમાં જીજે 5 બીટી 2814, જીજે 5 બીટી 2645 અને જીજે 36 વી 6009 નો સમાવેશ થાય છે આ ચારેય વાહનોને કબજે કરીને કરોડોનો માલ સીઝ કર્યો હતો અને પ્રાથમિક તપાસમાં આ વાહનો પ્રશાંતભાઈ કુંડારીયા રહે. નીચી માંડલ વાળાના હોવાનું સામે આવ્યું છે. જેથી કરીને ખાણ ખનીજ વિભાગે બિનઅધિકૃત ખનન અને વહન કરવા બદલ દંડ વસૂલ કરવા માટે કાર્યવાહી હાથ ધરી છે.