મોરબીમાં કરોડો રૂપિયાના ખર્ચે જુદાજુદા આઠ રોડના કામ ચોમાસા બાદ શરૂ કરાશે: ચીફ ઓફિસર

મોરબીના જુદાજુદા વિસ્તારોમાં ઘણા રોડ દયનીય હાલતમાં છે ત્યારે પાલિકા દ્વારા હાલમાં જુદાજુદા આઠ રોડના કામ મંજૂર કરવામાં આવેલ છે અને ચોમાસુ પૂરું થયા બાદ આ રોડના કામ શરૂ કરવામાં આવશે જો કે, હાલમાં કોઈ રોડ ઉપર ખાડા હશે તો તેને બુરવામાં માટેની કામગીરી કરવામાં આવશે

મોરબી પાલિકાના ચીફ ઓફિસરે માહિતી આપતા જણાવ્યુ હતું કે, સરકારની જુદી- જુદી ગ્રાન્ટ અન્વયે મોરબીમાં એક કે બે નહીં આઠ રોડ મંજૂર કરવામાં આવેલ છે. અને જુદીજુદી એજન્સીઓને કામ ચાલુ કરવા માટેના વર્ક ઓર્ડર પણ પાલિકામાંથી આપી દેવામાં આવેલ છે જો કે, હાલમાં ચોમાસુ ચાલી રહ્યું છે જેથી કરીને ચોમાસા પછી તુર્તજ આ રોડના કામ શરૂ કરી દેવામાં આવશે જે રોડ બનાવવામાં આવશે તેમાં એચ.ડી.એફ.સી. ચોકથી રામ ચોક સુધી સી.સી.રોડ, ચિત્રકૂટ ટોકીઝથી જુના મહાજન ચોક તથા ચિત્રકૂટ ટોકીઝ થી સુપર ટોકીઝ સુધી સી.સી.રોડ, દરબાર ગઢથી જુના બસ સ્ટેશન સુધી ડામર રોડ રીસર્ફેસીંગ, જેલ ચોકથી મચ્છુ માંના મંદિર સુધી ડામર રોડ રીસર્ફેસીંગ, કલેકટર બંગલાથી સ્ટેશન રોડ સુધી ડામર રોડ રીસર્ફેસીંગ, કુંજ ચોકડીથી નવલખી બાયપાસ સુધી ડામર રોડ રીસર્ફેસીંગ, જુના બસ સ્ટેશન સર્કલ થી સ્ટેશન રોડ(અયોધ્યા પુરી મેઈન રોડ) સુધી ડામર રોડ રીસર્ફેસીંગ, શિવાની સીઝન સેન્ટરથી નવયુગ ગારમેન્ટ (તખતસિંહજી મેઈન રોડ) પેવર બ્લોકનો સમાવેશ થાય છે. જો કે, ચોમાસા દરમ્યાન કોઈ રોડ ઉપર ખાડા હશે તો તેને બુરવા માટેની કામગીરી કરવામાં આવશે.