મોરબીના વોરાબાગ પાસે એસબીઇના એટીએમમાં ત્રણ અજાણ્યા ઇસમ દ્વારા તોડફોડ કરી ચોરીનો પ્રયાસ
Morbi Today
માળીયા(મી)નાં જુના અંજીયાસરમાં ખેતીની જમીન ઉપર દબાણ મહિલાની લેન્ડ ગ્રેબિંગના ગુનામાં ધરપકડ
SHARE
JOIN OUR GROUP
માળીયા(મી)નાં જુના અંજીયાસરમાં ખેતીની જમીન ઉપર દબાણ મહિલાની લેન્ડ ગ્રેબિંગના ગુનામાં ધરપકડ
માળીયા તાલુકાનાં જુના અંજીયાસર ગામે આવેલ ખેતીની જમીન ઉપર દબાણ કરીને કબ્જો કરી લેનાર મહિલાની સામે માળીયા તાલુકા પોલીસ સ્ટેશને ફરિયાદ નોંધાવવામાં આવી છે જેના આધારે પોલીસે મહિલાની સામે લેન્ડ ગ્રેબિંગ એક્ટ હેઠળ ગુનો નોંધીને મહિલાની ધરપકડ કરીને આગળની કાર્યવાહી કરેલ છે.
બનાવની જાણવા મળતી માહિતી મુજબ મોરબીના શનાળા રોડ ઉપર આવેલ શકિતપ્લોટમાં સુવિધા રેસીડેન્સના બ્લોક નંબર ૩૦૩ માં રહેતા સુમંતકુમાર બાવાલાલ રોકડ જાતે પટેલ (ઉ.૪૯)એ શરીફાબેન અબ્દુલહુશેનભાઈ નોતીયાર (૫૦) રહે. જુના અંજીયાસર તાલુકો માળીયા (મી). વાળીની સામે માળીયા તાલુકા પોલીસ સ્ટેશન ખાતે લેન્ડ ગ્રેબિંગની ફરિયાદ નોંધાવી છે જેમાં તેને જણાવ્યુ છે કે, ગત તા.૨૬/૧૨/૨૦૨૦ થી અત્યાર સુધી મહિલાએ ફરિયાદીની માલીકીની અંજીયાસર ગામની સીમમા આવેલ સવૅ નં.૧૪૭૩ વાળી જમીન હે-૨ આરે-૬૯ ચો.મી.-૧૨વાળી જમીન ઉપર ગેરકાયદેસર રીતે કબજો કર્યો હતો અને ખેતી કરી ઉત્પાદન મેળવી જમીન પચાવી પાડી હતી અને જમીન પર ગેરકાયદેસર કબજો ચાલુ રાખ્યો હતો જેથી કરીને જીલ્લા કલેકટરને લેન્ડ ગ્રેબીગ એક્ટ મુજબ અરજી આપેલ હતી અને હાલમાં જુના અંજીયાસર ગામની સીમ જમીન પચાવી પાડનાર મહિલા સામે ગુજરાત જમીન પચાવી પાડવા પર (પ્રતિબંધ) અધિનિયમ-૨૦૨૦ની કલમ-૩, ૪(૧)(૩), ૫(ગ) મુજબ ગુનો નોંધીને ડીવાયએસપી આઈ.એમ. પઠાણ અને તેની ટીમે મહિલા આરોપી શરીફાબેન અબ્દુલહુશેનભાઈ નોતીયાર (૫૦) રહે. જુના અંજીયાસર વાળીની ધરપકડ કરીને આગળની કાર્યવાહી કરેલ છે.
