મોરબીના પીપળી ગામે શ્યામપાર્કમાં વૃધ્ધનું મકાન પચાવી પાડનાર મહિલા સામે લેન્ડ ગ્રેબિંગની ફરિયાદ
Morbi Today
મોરબીના વજેપરમાં ડેલા પાસેથી ચાલવા બાબતે યુવાને છરીના ઘા ઝીકયા
SHARE
JOIN OUR GROUP
મોરબીના વજેપરમાં ડેલા પાસેથી ચાલવા બાબતે યુવાને છરીના ઘા ઝીકયા: ચાર શખ્સો સામે ગુનો નોંધાયો
મોરબીના શનાળા રોડ ઉપર ઓમ.વી.વી.આઇ.એમ. કોલેજની બહાર આવેલ ખુલ્લા મેદાનમા યુવાનને ડેલા પાસેથી પસાર થવાની વાતનો ખાર રાખીને ચાર શ્ખ્સોએ ઢીકાપાટુનો માર માર્યો હતો અને બંને સાથળના ભાગે છરીના ઘા ઝીકયા છે જેથી કરીને ભોગ બનેલા યુવાને સારવાર લીધા બાદ હાલમાં મોરબી સિટી એ ડિવિઝન પોલીસ સ્ટેશન ખાતે ચાર શખ્સોની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે
બનાવની જાણવા મળતી માહિતી મુજબ મોરબીના વજેપર શેરી નંબર ૧૪ માં રહેતા દેવકુમાર દિપકભાઇ પંડિત જાતે લુવાણા (ઉ.૨૨)એ હાલમાં આકિબ મીર રહે. વજેપરા, ભુપેન્દ્ર વાધેલા રહે. કાલીકા પ્લોટ, પ્રિયાંશુ ઉર્ફે બાવો રહે. ગ્રીનચોક અને પ્રિયાંશુનો મિત્ર આમ કુલ ચાર શખ્સોએ મોરબીના શનાળા રોડ ઉપર ઓમ.વી.વી.આઇ.એમ. કોલેજની બહાર આવેલ ખુલ્લા મેદાનમા તેને માર માર્યો હોવાની ફરિયાદ નોંધાવી છે જેમાં તેને જણાવ્યુ છે કે, તેને પોતાના ઘર તરફ જવા માટે આરોપી આકિબ મીરના ડેલા પાસેથી પસાર થવાનું હોય છે જે તેને સારું નહીં લાગતાં શનાળા રોડે તેને પ્રિયાંશુ અને તેના મિત્રએ પકડી રાખ્યો હતો અને આકિબ મીરે છરી વડે તેને બંને પગના સાથળના ભાગે ગંભીર ઇજાઓ કરી હતી તેમજ ચારેય આરોપીઓએ ઢીકાપાટુનો માર મારી ગાળો આપી જાનથી મારી નાખવાની ધમકી આપી હતી જેથી કરીને યુવાને સારવાર લીધા બાદ ફરિયાદ નોંધાવતાં પોલીસે ઇ.પી.કો કલમ ૩૨૬, ૩૨૩, ૫૦૪, ૫૦૬(૨), ૧૧૪ જી.પી.એકટ કલમ ૧૩૫ મુજબ ગુનો નોંધીને આરોપીઓને પકડવા માટે ચક્રોગતિમાન કરેલ છે
