હળવદમાં આવેલ માર્કેટ યાર્ડ ખાતે લોન મેળો યોજાયો

મોરબી જિલ્લાના જુદાજુદા વિસ્તારીમાં પોલીસ વિભાગ દ્વારા વ્યાજખોરના ચંગુલમાં લોકો ન ફાસાય તે માટે જનસંપર્ક સભા અને લોન મેળાનું આયોજન કરવામાં આવે છે તેવી જ રીતે મોરબી જિલ્લાના હળવદમાં આવેલ માર્કેટ યાર્ડના મીટીંગ હોલમાં હળવદ પોલીસ સ્ટેશન દ્વારા સામાન્ય પ્રજાજનોને સસ્તા દરે લોન મળી રહે અને વ્યાજખોરોના ત્રાસથી મુક્તિ મળે તે માટે લોન મેળાનું આયોજન કરવામાં આવ્યું હતું. જેમાં હળવદની જુદીજુદી 11 જેટલી બેંકનાં પ્રતિનિધિ હાજર રહ્યા હતા અને જુદી-જુદી બેંકો દ્વારા લોકોની મંજૂર કરવામાં આવેલ 22 લાખની લોનના ચેક આપવામાં આવ્યા હતાં. ત્યારે હળવદના પીઆઇ આર.ટી. વ્યાસ, યાર્ડના સેક્રેટરી મહેશભાઇ સહિતના અધિકારીઓએ અને પદાધિકારીઓ હાજર રહ્યા હતા.