હળવદના ચરાડવા ગામે જુગાર રમતા ચાર શખ્સો ૧૭,૨૦૦ ની રોકડ સાથે પકડાયા

હળવદ તાલુકાના ચરાડવા ગામે જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમતા ચાર શખ્સ મળી આવ્યા હતા જેથી કરીને પોલીસે ૧૭,૨૦૦ રૂપિયા કબજે કરીને આગળની કાર્યવાહી કરી હતી.

હળવદના પીઆઇ આર.ટી.વ્યાસની સુચના મુજબ સ્ટાફ કામ કરે છે ત્યારે વિપુલભાઈ સુરેશભાઈ ભદ્રાડીયા તથા દેવેંન્દ્રસિંહ દેવપાલસિંહ ઝાલાને મળેલ બાતમી આધારે ચરાડવા ગામે તળાવની પાળ પાસે જુગારની રેડ કરી હતી ત્યારે બાવળ નીચે જાહેરમાં જુગાર રમતા હરીભાઈ જીવાભાઈ સોલંકી (૫૦), જયંતીભાઈ લવજીભાઈ મકવાણા (૪૫), જીવાભાઈ જગાભાઈ મકવાણા (૩૯) અને વશરામભાઈ લાલજીભાઈ મકવાણા (૪૫) રહે. બધા જ ચરાડવા વાળા જુગાર રમતા મળી આવ્યા હતા જેથી કરીને પોલીસે તેની પાસેથી ૧૭,૨૦૦ રૂપિયા કબજે કરીને આગળની કાર્યવાહી કરી હતી.