મોરબીમાં રાજ્યમંત્રી કાંતિલાલ અમૃતિયાના હસ્તે શ્રમિક અન્નપૂર્ણા યોજના કેન્દ્રનું લોકાર્પણ કરાયું મોરબીમાં જીવલેણ અકસ્માત સર્જે તે રીતે દોડતી સ્કોર્પિયો ગાડીને પોલીસે કબ્જે કરી: વાહન ચાલક અને ગાડીનો પીછો કરનારાઓની શોધખોળ મોરબીમાં સર્કલને રણછોડદાસ પગી અને અને રોડને સ્વ. પરબતભાઈ રબારી નામ આપવામાં આવતા રબારી સમાજમાં હર્ષની લાગણી મોરબીના કંડલા બાયપાસ રોડ પાસે રહેતા પરિવારની સગીર દીકરીનું અપહરણ મોરબીમાંથી બીયરના 24 ટીન સાથે બે શખ્સ પકડાયા વાંકાનેરના માટેલ નજીક કારખાનામાં રિવર્સમાં આવતા ટ્રક ટ્રેલરની નીચે કચડાઈ જવાથી યુવાનનું ઘટના સ્થળે જ મોત મોરબી પાલિકા સમયે આવેલ ઇમ્પેક્ટની અરજીઓને મંજૂર કરવા માટે મુખ્યમંત્રીને કરાઇ રજૂઆત મોરબીની મુસ્કાન વેલ્ફેર સોસાયટી દ્વારા નવરાત્રિ નિમિત્તે 25 જરૂરિયાતમંદ માતાઓને રાશન કિટનું કરાયું વિતરણ

Breaking news

Morbi Today

મોરબી તાલુકા અનુસસુચિત જાતિ સમુદાયક ખેતી માટે મંડળીને ફાળવેલ જમીન ઉપર દબાણ કરનાર પાંચની ધરપકડ

29-10-2021 10:40 AM

મોરબી તાલુકા અનુસસુચિત જાતિ સમુદાયક ખેતી માટે મંડળીને ફાળવેલ જમીન ઉપર દબાણ કરનાર પાંચની ધરપકડ

મોરબી તાલુકા અનુસસુચિત જાતિ સમુદાયક ખેતી સહકારી મંડળીને કાયદેસર રીતે મળેલ ગીડચ ગામે ખેતી માટે જમીન આપેલ છે જે જમીન ઉપર જુદાજુદા લોકો દ્વારા દબાણ કરવાં આવેલ છે જેથી કરીને વૃદ્ધે મોરબી તાલુકા પોલીસ સ્ટેશન ખાતે જુદીજુદી બે લેન્ડ ગ્રેબિંગ અને એટ્રોસીટીની ફરિયાદ નોંધાવી હતી જેના આધારે પોલીસે જુદાજુદા બે ગુનામાં કુલ મળીને પાંચ આરોપીની ધરપકડ કરેલ છે

બનાવની જાણવા મળતી માહિતી મુજબ ટંકારા તાલુકાનાં હીરાપર ગામે હમીરભાઇ ભાણાભાઇ સારેસા (ઉ.૬૬) એ ભાનુભાઇ નારણભાઇ આહીર, સંજયભાઇ ભાનુભાઇ આહીર અને અશ્વિનભાઇ ભાનુભાઇ આહીર રહે. બધા ગીડચ વાળાની સામે મોરબી તાલુકા પોલીસ સ્ટેશને લેન્ડ ગ્રેબિંગ હેઠળ ફરિયાદ નોંધાવી છે જેમાં તેને જણાવ્યુ છે કે, આજથી પાંચેક વર્ષથી આજદિન સુધીમાં ગીડચ ગામની સીમમાં ફરિયાદીની મોરબી તાલુકા અનુસસુચિત જાતિ સમુદાયક ખેતી સહકારી મંડળીને કાયદેસર રીતે મળેલ ગીડચ ગામના સર્વે નં.-૯૮ ની હેકટર- ૩-૦૩-૫૨ ચો.મી. વાળી સાંથળીની જમીનમાં આરોપીઓએ અનઅધિકૃત રીતે ગેરકાયદેસર કબ્જો કરી જમીન પચાવી પાડી હતી અને ફરીયાદીને જમીનમાં જવાનો કાયદેસરનો હકક હોય તેમ છતા જમીનમાં જતા રોકી ખેતીકામ કરવા નહી આપીને જમીનમાં આરોપીઓએ કબજો કરેલ છે જેથી પોલીસે ગુજરાત જમીન પચાવી પાડવા પર પ્રતિબંધ અધિનિયમ–૨૦૨૦ ની કલમ-૩, ૪(૩), ૫(ગ) તથા એટ્રોસીટી એકટ કલમ-૩(૧), (જી). (એફ.) મુજબ ગુનો નોંધીને આરોપી ભાનુભાઇ નારણભાઇ લોખિલ જાતે આહીર (૬૨), સંજયભાઇ ભાનુભાઇ લોખિલ જાતે આહીર (૩૨) અને અશ્વિનભાઇ ભાનુભાઇ લોખિલ જાતે આહીર (૫૩) આહીર રહે. બધા ગીડચ વાળાની પોલીસે ધરપકડ કરેલ છે

આવ જ રીતે હમીરભાઇ ભાણાભાઇ સારેસાએ બુટાભાઇ રત્નાભાઇ કોળી અને મનુભાઇ બુટાભાઇ કોળી રહે. બંને ગીડચ વાળાની સામે પણ ગુજરાત જમીન પચાવી પાડવા પર પ્રતિબંધ અધિનિયમ–૨૦૨૦ ની કલમ-૩, ૪(૩), ૫(ગ) તથા એટ્રોસીટી એકટ કલમ-૩(૧), (જી).(એફ.) મુજબ ફરિયાદ નોંધાવી છે જેમાં તેને જણાવ્યુ છે કે, ફરિયાદીની મોરબી તાલુકા અનુસસુચિત જાતિ સમુદાયક ખેતી સહકારી મંડળીને કાયદેસર રીતે મળેલ ગીડચ ગામના સર્વે નં.-૬૫/૨ ની હેકટર-૩-૮૪-૪૫ ચો.મી. વાળી સાંથળીની જમીનમાં આ કામના આરોપીઓએ અનઅધિકૃત રીતે ગેરકાયદેસર કબ્જો કર્યો હતો અને ખેતીકામ કરવા આપ્યું ન હતું આ ગુનામાં પોલીસે બુટાભાઇ રત્નાભાઇ કોળી (૭૦) અને મનુભાઇ બુટાભાઇ કોળી (૩૩) રહે. બંને ગીડચ વાળાની ધરપકડ કરેલ છે