મોરબીના સનાળા ગામ પાસે આવેલ કારખાનાના લેબર કવાર્ટરની અંદર રહેતા યુવાનને તેની પત્ની સાથે ઝઘડો થયો હતો જેથી તેને લાગી આવતા તેને પોતાના હાથ ઉપર ચપ્પુ વડે ચેકા મારી લીધા હતા જેથી ઈજા પામેલા યુવાનને સારવાર માટે મોરબીની સિવિલ હોસ્પિટલે લઈને લાવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવી હતી

બનાવની જાણવા મળતી માહિતી મુજબ મોરબી નજીકના સનાળા ગામ પાસે આવેલ શ્રીજી એસ્ટેટમાં કિશન વાયર વાળી શેરીમાં આવેલ કારખાનાની ઓરડીમાં રહેતા નરેશ મંગળાજી ડામોર (37) નામના યુવાને પોતાના હાથ ઉપર ચપ્પુ વડે ચેકા મારી લેતા તેને ઈજા થયેલ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ વી.કે. પટેલ દ્વારા કરવામાં આવી હતી વધુમાં પોલીસ સૂત્રો પાસેથી જાણવા મળતી માહિતી પ્રમાણે ઇજા પામેલા યુવાનની પત્નીને માવતરે જવું હતું અને યુવાને તેને માવતરે જવાની ના પાડી હતી જેથી કરીને યુવાનને તેની પત્ની સાથે ઝઘડો થયો હતો જે બાબતે યુવાનને લાગી આવતા તેને પોતાના હાથ ઉપર ચપ્પુ વડે ઇજા કરી લેતા તેને સારવારમાં લઈને આવ્યા હતા અને આ અંગેની પોલીસે નોંધ કરી આગળની કાર્યવાહી હાથ કરી છે

પતિએ માર મારતા મહિલા સારવારમાં

મોરબીના વાવડી રોડ ઉપર રહેતા રેશમાબેન એજાજભાઈ આરબ (35) નામની મહિલાને તેના પતિ દ્વારા મોરબીના ગાંધી ચોક પાસે માર મારવામાં આવ્યો હતો જેથી ઇજા પામેલ હાલતમાં તેને સારવાર માટે સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની એ ડિવિઝન પોલીસને જાણ કરવામાં આવી હતી જેથી પોલીસે બનાવની નોંધ કરી આગળની કાર્યવાહી હાથ ધરી છે. અને આગળની વધુ તપાસ વી.કે. પટેલ ચલવી રહ્યા છે