મોરબીના ખાનપર ગામે ઘર પાસે પાર્ક કરેલ બાઈકની ચોરી

મોરબી તાલુકાના ખાનપરના રહેવાસી યુવાને પોતાના ઘરની પાસે તેનું બાઈક પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને 17,000 રૂપિયાની કિંમતના બાઈકની ચોરી થઈ હોવા અંગેની ભોગ બનેલા યુવાને ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.

જાણવા મળતી વિગત પ્રમાણે મોરબી તાલુકાના ખાનપર ગામના મૂળ રહેવાસી અને હાલમાં મોરબીના રવાપર ગામે આવેલ લક્ષ્મીનગર સોસાયટી કેશવ હાઇટ્સમાં રહેતા કલ્પેશભાઈ કેશવજીભાઈ જીવાણી (38)એ અજાણ્યા શખ્સની સામે વાહન ચોરીની ફરિયાદ નોંધાવેલ છે જેમાં તેણે જણાવ્યું છે કે, મોરબી તાલુકાના ખાનપર ગામે તેણે પોતાના ઘર પાસે તેનું બાઈક નંબર જીજે 3 એચડી 2771 પાર્ક કરીને મૂક્યું હતું જે બાઈકની કોઈ અજાણ્ય શખ્સ દ્વારા ચોરી કરવામાં આવેલ છે જેથી કરીને 17,000 રૂપિયાની કિંમતના બાઈકની ચોરી થઇ હોવાની ભોગ બનેલ યુવાન દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે આરોપીને પકડવા માટે તજવીજ શરૂ કરી છે