હળવદના વેગડવાવ ગામે વાડીએ ઈલેક્ટ્રીક શોર્ટ લાગતાં આધેડનું મોત

હળવદ તાલુકાના વેગડવાવ ગામની સીમમાં આધેડ પોતાની વાડીએ હતા ત્યારે ત્યાં ઈલેક્ટ્રીક શોર્ટ લાગતાં તેને હોસ્પિટલે લઈને આવ્યા હતા અને ત્યાં તેનું મોત નીપજ્યું હતું જેથી તેને તાત્કાલિક સરકારી હોસ્પિટલ ખાતે લઈને આવ્યા હતા અને આ બનાવ અંગેની હોસ્પિટલ મારફતે હળવદ તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ હળવદ તાલુકાના નવા વેગડવાવ ગામે રહેતા શાંતિભાઈ હરજીભાઈ રાઠોડ જાતે દલવાડી (50) નામના આધેડ વેગડવાવ ગામની સીમમાં આવેલ પોતાની વાડીએ હતા ત્યારે ત્યાં વાડીએ તેને ઇલેક્ટ્રીક શોટ લાગ્યો હતો જેથી કરીને તેને તાત્કાલિક હળવદની સરકારી હોસ્પિટલ ખાતે લઈને આવ્યા હતા અને ત્યાં સારવાર દરમિયાન તે આધેડનું મોત નીપજ્યું હતું જેથી કરીને આ બનાવ અંગેની હોસ્પિટલ મારફતે હળવદ તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

એક બોટલ દારૂ

મોરબીના પીપળી ગામના બસ સ્ટેશન પાસેથી એક શખ્સ એક્ટિવા લઈને પસાર થઈ રહ્યો હતો ત્યારે તેને રોકીને પોલીસ દ્વારા ચેક કરવામાં આવતા તેની પાસેથી દારૂની એક બોટલ મળી આવી હતી જેથી કરીને પોલીસે 300 ની કિંમતની દારૂની બોટલ તથા એકટીવા નંબર જીજે 36 એએચ 6160 જેની કિંમત 30,000 રૂપિયા આમ કુલ મળીને 30,300 નો મુદ્દા માલ કબજે કર્યો હતો અને આરોપી ધવલભાઈ ધીરજભાઈ લખતરિયા (30) રહે. પીપળી ધર્મગંગા સોસાયટી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધાયો છે