હળવદના નવા ઘનશ્યામગઢ ગામે જુગાર રમતા સાત શખ્સોની  2.30 ની રોકડ સાથે ધરપકડ

હળવદના નવા ઘનશ્યામગઢ ગામે જાહેરમાં જુગાર રમતા હોવાની બાતમી મળી હતી જેના આધારે ત્યાં પોલીસે જુગારની રેડ કરી હતી ત્યારે સાત શખ્સો જુગાર રમતા મળી આવ્યા હતા જેથી કરીને પોલીસે 2,30,300 ની રોકડ સાથે તેની ધરપકડ કરી હતી અને આગળની કાર્યવાહી કરી હતી.

જાણવા મળતી માહિતી મુજબ હળવદ તાલુકાના નવા ઘનશ્યામગઢ ગામે જાહેરમાં જુગારની રેડ કરી હતી ત્યારે આરોપી બાલુભાઈ ગોરધનભાઈ સુરાણી, જયેશ ભુદરભાઈ ગોપાણી, વિનોદ ચંદુભાઈ એરવાડીયા, વિપુલ કાળુભાઇ ઝીંઝુવાડિયા, રજનીકાંત ગુણવંતભાઈ નિમાવત, યોગરાજસિંહ ધીરૂભા ઝાલા અને યુવરાજસિંહ નટુભા ચુડાસમા જુગાર રમતા મળી આવી હતા જેથી કરીને પોલીસે 2,30,300 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશને ગુનો નોંધીને આગળની કાર્યવાહી કરી હતી.