મોરબીના લાલપર પાસે કારખાનામાં મશીન ઉપરથી નીચે પડતાં માથામાં હેમરેજ થવાથી મહિલાનું મોત

મોરબીના લાલપર ગામ પાસે આવેલ કારખાનામાં મશીન ઉપર કામ કરતા સમયે પગ લપસતા નીચે પટકાવવાથી મહિલાનું માથું જમીનમાં અથડાયું હતું જેથી મહિલાને માથાના ભાગે હેમરાજ થવાથી તેનું મોત નીપજ્યું હતું ત્યારબાદ તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરવામાં આવી હતી જેથી પોલીસે નોંધ કરી આગળની કાર્યવાહી હાથ ધરી છે

જાણવા મળતી માહિતી મુજબ મૂળ એમપીના રહેવાસી અને હાલમાં મોરબી તાલુકાના લાલપર ગામ પાસે આવેલ લોરેન્જો સિરામિક કારખાનાના લેબર ક્વાર્ટરમાં રહેતા અને ત્યાં મજૂરી કામ કરતા રેખાબેન રાજેશભાઈ ખારોલ (29) નામની મહિલા કારખાનામાં આવેલ ફિલ્ટર પ્રેસ વિભાગમાં મશીન ઉપર ચડીને કામ કરતી હતી દરમિયાન તેનો પગ લપસતા તે ઉપરથી નીચે પટકાઈ હતી અને તેનું માથું જમીનમાં અથડાતા મહિલાને માથામાં હેમરેજ થઈ ગયું હતું અને તે મહિલાનું મોત નીપજયું હતું ત્યારબાદ આ મહિલાના મૃતદેહને પીએમ માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાંથી આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ અંગેની આગળની વધુ તપાસ તાલુકા પોલીસ સ્ટેશનના જે.પી.વસીયાણી ચલાવી રહ્યા છે