હળવદ નજીક ડબલ સવારી બાઇકને કાર ચાલકે હડફેટે લેતા ઇજા પામેલા બે સગા ભાઈ સારવારમાં

ધાંગધ્રા માળિયા હાઇવે રોડ ઉપર આવેલ કોયબા ગામના પાટીયા પાસે ડબલ સવારી બાઇકને કાર ચાલકે હડફેટે લીધું હતું જેથી અકસ્માત થયો હતો અને તે બનાવમાં બાઇક ઉપર જઇ રહેલા બે સગા ભાઈને ઇજા થયેલ હોવાથી તેને સારવાર માટે હોસ્પિટલે લઈને આવ્યા હતા અને સારવાર લીધા બાદ યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે

જાણવા મળતી માહિતી મુજબ ધાંગધ્રા માળિયા હાઇવે રોડ ઉપર આવેલ કોયબા ગામના પાટીયા પાસેથી કવાડિયા ગામે રહેતા વિનોદભાઈ શંકરભાઈ મણદરીયા (30) અને તેનો નાનો ભાઈ નાગજીભાઈ બને બાઈક નંબર જીજે 36 એએમ 6377 ઉપર પસાર થઈ રહ્યા હતા. ત્યારે કાર નંબર જીજે 27 સીએફ 4093 ના ચાલકે તેઓના ડબલ સવારી બાઇકને હડફેટે લેતા અકસ્માતનો બનાવ બન્યો હતો જેમાં ફરિયાદીને છાતી, પાસળી અને જમણા હાથમાં ઇજા થઈ હતી જ્યારે તેના નાનાભાઈને જમણા પગમાં ફ્રેક્ચર થયું હતું જેથી બંને ભાઈઓને સારવાર માટે હોસ્પિટલે લઈને આવ્યા હતા અને સારવાર લીધા બાદ હાલમાં વિનોદભાઈએ નોંધાવેલ ફરિયાદ આધારે પોલીસે કારચાલક સામે ગુનો નોંધી આરોપીને પકડવા માટે તજવીજ શરૂ કરી છે

અકસ્માતમાં ઇજા

મોરબીના ઘુટુ રોડ ઉપર આવેલ શ્રીનાથ કાંટા પાસે વાહન અકસ્માતનો બનાવ બન્યો હતો જેમાં વિશાલ રાજેન્દ્રસિંહ જાડેજા (33) રહે. હાઉસિંગ બોર્ડ મહારાણા પ્રતાપ સર્કલ મોરબી વાળાને ઇજા થતા તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને આ બનાવની બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

ધોકા વડે માર માર્યો

મોરબીના નજરબાગ રેલવે સ્ટેશન પાસે આવેલ જીવરાજ પાર્ક સોસાયટીમાં રહેતા જતિન કાનજીભાઈ મુછડિયા (22) નામના યુવાનને મોરબીમાં આવેલ પરશુરામ પોટરીના મેદાનમાં ધોકા વડે માર મારવામાં આવતા ઇજા થયેલ હોવાથી તેને સારવાર માટે સિવિલ હોસ્પિટલ ખાતે લાવ્યા હતા ત્યાં તેને સારવાર આપીને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે