મોરબીમાંથી દેશી બનાવટની એક પિસ્તોલ-બે કાર્ટિસ સાથે એકની ધરપકડ

મોરબીના વીસીપરા મેઇન રોડ ઉપર આવેલ પટેલ જીનના પડતર પડેલા ખુલ્લા ગ્રાઉન્ડમાંથી પસાર થયેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટની એક પિસ્તોલ અને બે કાર્ટિસ મળી આવ્યા હતા જેથી પોલીસે 10,200 ની કિંમતનો મુદામાલ કબજે કર્યો હતો અને મોરબી બી ડિવિઝન પોલીસ સ્ટેશન ખાતે આર્મ્સ એક્ટ મુજબ ગુનો નોંધીને આગળની કાર્યવાહી હાથ ધરી છે.

જાણવા મળતી માહિતી મુજબ મોરબી બી ડિવિઝન પોલીસ પેટ્રોલીંગમાં હતી ત્યારે મોરબીમાં વીસીપરા મેઇન રોડ ઉપર આવેલ પટેલ જીનના પડતર પડેલા ગ્રાઉન્ડમાંથી પસાર થયેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટની એક પિસ્તોલ મળી આવી હતી તથા બે કાર્ટિસ મળી આવ્યા હતા જેથી કરીને પોલીસે 10,200 ની કિંમતનો મુદામાલ કબ્જે કર્યો હતો અને આરોપી સદામ ઇલિયાસભાઈ કટિયા (24) રહે. વીસીપરા ચાર ગોદામ પાછળ મોરબી વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે આર્મ્સ એક્ટ મુજબ ગુનો નોંધીને આગળની કાર્યવાહી હાથ ધરવામાં આવી છે આ અંગેની આપેલી વધુ તપાસ બી ડિવિઝન પોલીસ સ્ટેશનના પીએસઆઇ આર.પી.જાડેજા ચલાવી રહ્યા છે. અને આ શખ્સની પાસેથી મળી આવેલ હથિયાર તે ક્યાંથી લાવ્યો હતો અને શા માટે પોતાની પાસે હથિયાર રાખતો હતો તે દિશામાં તપાસ કરી રહ્યા છે