મોરબી નજીક આવેલ ભૂરા હોટલ એન્ડ સ્પાની આડમાં ચાલતા કુટણખાનાનો પર્દાફાશ, બેની ધરપકડ: બે શખ્સની શોધખોળ
Morbi Today
ટંકારા તાલુકાના બંગાવડી ગામેથી ડિગ્રી વગરનો બોગસ ડોક્ટર ઝડપાયો
SHARE
JOIN OUR GROUP
ટંકારા તાલુકાના બંગાવડી ગામેથી ડિગ્રી વગરનો બોગસ ડોક્ટર ઝડપાયો
મોરબી જિલ્લામાં જાણે કે બોગસ ડોક્ટરોનો રાફડો ફાટ્યો હોય તેમ છેલ્લા બે દિવસથી જુદા જુદા વિસ્તારની અંદર રેડ કરીને પોલીસ દ્વારા બોગસ ડોક્ટરોને પકડવામાં આવી રહ્યા છે તેવામાં ટંકારા તાલુકાના બંગાવડી ગામે ભાડાના મકાનમાં દવાખાનુ ખોલીને એલોપેથીક દવા આપી લોકોની સારવાર કરતા ડિગ્રી વગરના બોગસ ડોક્ટરને ટંકારા પોલીસે પકડીને તેની સામે ગુનો નોંધી આગળની કાર્યવાહી હાથ ધરી છે
છેલ્લા ત્રણ દિવસથી મોરબી શહેર ના જુદા જુદા વિસ્તારોની અંદર બોગસ ડોક્ટરોને શોધવા માટે થઈને પોલીસ દ્વારા રેડ કરવામાં આવી રહી છે તેવામાં મોરબી તાલુકામાંથી એક અને મોરબી શહેરી વિસ્તારમાંથી બે બોગસ ડોક્ટર ઝડપાયા હતા જેથી કરીને તેની સામે સ્થાનિક પોલીસ સ્ટેશનમાં ગુના નોંધીને પોલીસે આગળની કાર્યવાહી હાથ ધરી હતી દરમિયાન ટંકારા તાલુકા પોલીસ સ્ટેશનના પીઆઇ એસ.કે ચારેલ ને મળેલ હકીકત આધારે ટંકારા તાલુકાના બંગાવડી ગામે ભાડાના મકાનમાં દવાખાનુ ખોલીને મેડિકલ પ્રેક્ટિસ કરતા ડો. જે. કે. ભીમાણી ને ત્યાં રેડ કરવામાં આવી હતી ત્યારે સ્થળ ઉપર એલોપેથીક દવા આપીને દર્દીઓની સારવાર કરવામાં આવતી હોય તેવું જોવા મળ્યું હતું જોકે દર્દીની સારવાર કરી રહેલા જે.કે. ભીમાણી પાસે કોઈપણ ડિગ્રી ન હોવા છતાં પણ તે મેડિકલ પ્રેક્ટિસ કરી લોકોના આરોગ્ય સાથે ચેડા કરતો હોવાનું સામે આવ્યું હતું જેથી કરીને સ્થળ ઉપરથી ઇન્જેક્શન અને દવાઓનો જથ્થો મળીને 1,36,486 ની કિંમતનો મુદાબલ કબજે કર્યો હતો અને આરોપી જયકિશનભાઇ કાંતિભાઈ ભીમાણી જાતે પટેલ (32) રહે. ઇન્દ્રપ્રસ્થ ટંકારા મૂળ રહે. જબલપુર વાળા ની સામે ટંકારા તાલુકા પોલીસ સ્ટેશન ખાતે મેડિકલ પ્રેક્ટિસનર એકટની કલમ 30, 33 હેઠળ ગુનો નોંધીને પોલીસ આગળની કાર્યવાહી હાથ ધરી છે
