મોરબીમાં સગીરા સાથે દુષ્કર્મ આચારનાર આરોપી જેલ હવાલે

મોરબીમાં સગીરાને પ્રેમ જાળમાં ફસાવીને લગ્નની લાલચ આપીને તેની સાથે દુષ્કર્મ આચરવામાં આવ્યું હતું જેથી સગીરાની માતાએ મોરબી સીટી બી ડિવિઝન પોલીસ સ્ટેશન ખાતે ફરિયાદ કરી હતી જેથી પોલીસે દુષ્કર્મ સહિતની કલમ હેઠળ ગુનો નોંધ્યો હતો અને આ ગુનામાં આરોપીની ધરપકડ કરી હતી અને આરોપીને કોર્ટમાં રજૂ કરીને જેલ હવાલે કરવામાં આવેલ છે.

મોરબીમાં અગાઉ વીસીપરા વિસ્તારમાં રહેતા પરિવારની દીકરીને તેઓના વિસ્તારમાં રહેતા સાહિલ ઇલ્યાસભાઈ કટિયા નામના શખ્સે પ્રેમ જાળમાં ફસાવી હતી અને ત્યારબાદ તેને લગ્નની લાલચ આપીને અવારનવાર તેની સાથે દુષ્કર્મ આચરવામાં આવ્યું હતું. જો કે, આ સગીરાનો પરિવાર ત્યાર બાદ મોરબીના વીસીપરા વિસ્તારને છોડીને મોરબીના સામાકાંઠા વિસ્તારમાં રહેવા માટે જતો રહ્યો હતો તેમ છતાં પણ સાહિલ કટિયાએ સગીરાને સંબંધ રાખવા માટે દબાણ કર્યું હતું અને તેના પરિવારને બદનામ કરવાની ધમકીઓ આપી હતી.

જેથી ભોગ બનેલ સગીરાની માતાએ સીટી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે દુષ્કર્મ સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરી હતી અને આ ગુનામાં બી ડિવિઝન પોલીસ સ્ટેશનના પીઆઇ એન.એ. વસાવા અને તેની ટીમે આરોપી સાહિલ ઇલ્યાસભાઈ કટિયા (20) રહે. વીસીપરા મોરબી વાળાની ધરપકડ કરીને હતી અને આરોપીને પોલીસે કોર્ટમાં રજૂ કરીને હાલમાં જેલ હવાલે કરવામાં આવેલ છે.