મોરબી નજીક સીએનજી રીક્ષાને બોલેરોના ચાલકે હડફેટ  સર્જાયેલ અકસ્માતમાં યુવાનનું મોત

મોરબીના નવલખી રોડ ઉપર આવેલ લૂંટાવદર ગામના પાટીયાથી પીપળીયા ચાર રસ્તા વચ્ચેના ભાગમાં સીએનજી રીક્ષાને બોલેરો ગાડીના ચાલકે હડફેટ લીધી હતી જેથી અકસ્માતનો બનાવ બન્યો હતો જેમાં યુવાનને માથા, પગ તથા શરીરે ગંભીર ઇજા થયેલ હતી જેથી કરીને તેનું મોત નીપજયું હતું અને આ બનાવ સંદર્ભે હાલમાં મૃતક યુવાનના કાકાએ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે બોલેરો ગાડીને ચાલાક સામે ગુનો નોંધીને આરોપીને પકડવા માટે તજવીજ શરૂ કરી છે

જાણવા મળતી માહિતી મુજબ મોરબી તાલુકાના લૂંટાવદર ગામે રહેતા રફીકભાઈ આમદભાઈ ચાનિયા (44)એ મોરબી તાલુકા પોલીસ સ્ટેશન ખાતે બોલેરો ગાડી નંબર જીજે 36 વી 0171 ના ચાલક સામે ફરિયાદ નોંધાવેલ છે જેમાં તેણે જણાવ્યુ છે કે, મોરબીના નવલખી રોડ ઉપર આવેલ લૂંટાવદર ગામથી પીપળીયા ચાર રસ્તા વચ્ચેના ભાગમાં જીઇબીની ઓફિસની નજીકથી તેઓનો ભત્રીજો સોહિલ સલીમભાઈ ચાનીયા (37) રહે. લૂંટાવદર વાળો સીએનજી રીક્ષા નંબર જીજે 36 ડબલ્યુ 2568 લઈને પસાર થઈ રહ્યો હતો ત્યારે બોલેરો ગાડીના ચાલકે તેની રીક્ષાને હડફેટે લીધી હતી જેથી અકસ્માતનો બનાવ બન્યો હતો અને અકસ્માતના આ બનાવમાં સોહિલ ચાનીયાને માથા, પગ તથા શરીરે ગંભીર ઇજા થયેલ હતી જેથી કરીને તેનું મોત નીપજ્યું હતું અને અકસ્માત મૃત્યુના આ બનાવ સંદર્ભે મૃતક યુવાનના કાકાએ નોંધાવેલ ફરિયાદ આધારે પોલીસે બોલેરો ગાડીના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે આ અંગેની આગળની વધુ તપાસ મોરબી તાલુકા પોલીસ સ્ટેશનના પીએસઆઇ એ.બી. મિશ્રા ચલાવી રહ્યા છે