ઇ–શ્રમિક કાર્ડ નહીં તો રેશનિંગનો જથ્થો નહીં: મોરબી કલેક્ટરનો તઘલખી નિર્ણય
Morbi Today
મોરબી કોર્ટમાં જુદીજુદી મુદતે આવેલા મહિલા સહિત છ ઇસમો છરી સાથે પકડાયા
SHARE
JOIN OUR GROUP
મોરબી કોર્ટમાં જુદીજુદી મુદતે આવેલા મહિલા સહિત છ ઇસમો છરી સાથે પકડાયા
મોરબી સીટી બી ડિવિઝન પોલીસ સ્ટાફે અહીંના સામાકાંઠે લાલબાગમાં આવેલ કોર્ટ કમ્પાઉન્ડમાંથી જુદીજુદી મુદ્દતે આવેલ એક મહિલા સહિત છ ઇશમોને છરી સાથે પકડી પાડયા હોવાનું જાણવા મળેલ છે.
મોરબી સીટી બી ડિવિઝન પોલીસ સ્ટાફના જણાવ્યા પ્રમાણે પોલીસ સ્ટાફે કોર્ટ કંપાઊન્ડમાં હતો તે દરમિયાનમાં જુદી-જુદી મુદતે મોરબી કોર્ટમાં આવેલા છ ઈસમોની અંગ જડતી લેવામાં આવતા તેઓની પાસેથી કોર્ટ કંપાઊન્ડમાં છરી મળી આવી હોય એક મહીલા સહીત છએય ઈસમોની ધરપકડ કરવામાં આવી છે.ઉલ્લેખનીય છે કે છ પૈકી એક મહિલાનો પણ છરી સાથે પકડાવામાં સમાવેશ થાય છે..! પકડાયેલ ઈસમોમાં જેતુનબેન ઈલિયાસભાઈ જેડા મિંયાણા (૬૫) રહે.નવાગામ માળીયા મીંયાણાની મોરબી કોર્ટ કમ્પાઉન્ડમાંથી છરી સાથે ધરપકડ કરવામાં આવી હતી.તેમજ ગફુર ઇસા જામ મિંયાણા (૪૩) રહે. નવાગામ માળીયા મીંયાણા પણ કોર્ટમાંથી છરી સાથે પકડાતા તેની ધરપકડ કરવામાં આવી હતી. સબીર અબ્રાહમ કટીયા મીંયાણા (૨૩) રહે. વાગડિયા જાપા પાસે માળીયા મીંયાણા મોરબી કોર્ટ કમ્પાઉન્ડમાંથી છરી સાથે ધરપકડ કરવામાં આવેલ છે. તેમજ ઈરફાન સબીર સંઘવાણી મિંયાણા (૨૦) રહે.માલાણી શેરી માળીયા(મિ.) ની મોરબી કોર્ટ પરિસરમાંથી છરી સાથે અટકાયત કરવામાં આવી હતી.તેમજ સલીમ સુભાન કટિયા મિંયાણા (૨૬) રહે. વિશાલા હોટલ પાસે માળીયા મીંયાણાની મોરબી કોર્ટ પરીસરમાંથી છરી સાથે ધરપકડ કરવામાં આવેલ છે અને કાસમ ઉમર જેડા મિંયાણા (૨૫) રહે. મેઈન બજાર દાવલશા પીરની દરગાહ પાસે માળીયા મીંયાણાની મોરબી કોર્ટ કમ્પાઉન્ડમાંથી છરી સાથે ધરપકડ કરવામાં આવી છે.અત્રે નોંધનીય છેકે પકડાયેલ છએય ઇસમો માળીયા મીંયાણા પંથકના છે.
તે રીતે જ મોરબીના વીસીપરા મદીના સોસાયટીમાં રહેતા હસન સલમાન નેગાસરા કચ્છી મીંયાણા નામના ૨૪ વર્ષીય ઇસમની અમરેલી રોડ ગુજરાત ફલોર મિલની પાસેથી છરીની સાથે ધરપકડ કરવામાં આવી હતી અને મોરબીના સામાકાંઠે ફિલ્ટર હાઉસ પાસે નજરબાગ વિસ્તારમાં રહેતાં વિક્રમ ધારા સાંલપરા કોળી (૨૨) નામના ઈસમને પરશુરામ પોટરીના ગ્રાઉન્ડમાંથી પીધેલી હાલતમાં બાઈક સાથે મળી આવતા બી ડિવિઝન પોલીસ સ્ટાફ દ્વારા ધરપકડ કરવામાં આવી હોવાનું જાણવા મળેલ છે.
વાહન અકસ્માતમાં ઈજા
મોરબીના રવાપર રોડ એવન્યુપાર્ક વિસ્તારમાં રહેતો અજય શિવાભાઇ રબારી નામનો ૨૫ વર્ષીય યુવાન બાઇક લઇને વીસીપરામાંથી જતો હતો ત્યાં મસ્જિદ પાસે બાઈક અને કારનો અકસ્માત સર્જાતા માથાના ભાગે ઇજાઓ થવાથી અજય રબારીને સારવાર માટે સિવિલમાં ખસેડાયો હતો.બનાવની જાણ થતાં બી ડીવીજન પોલીસ મથકના વી.ડી.મેતાએ આગળની તપાસ હાથ ધરી છે.
