મોરબી નજીક રસ્તા ઉપર યુવાનને કચડી નાખનારા ટ્રક ચાલકને પકડવા માટે શોધખોળ

મોરબી-હળવદ રોડ ઉપર આવેલા ઘુંટું ગામની પાસે ગૌશાળા નજીક બાઇકને ટ્રક ચાલકે હડફેટે લેતા અકસ્માતનો બનાવ બનેલ હતો જેમાં ઘટના સ્થળે જ હળવદના દલવાડી યુવાનનું મોત નિપજ્યુ હતું જે બનાવમાં મૃતકના પિતાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા તજવીજ શરૂ કરી છે.

મોરબી તાલુકા પોલીસ સ્ટેશન ખાતે હાલમાં હળવદ ખારીવાડી વિસ્તારમાં રહેતા ચતુરભાઇ માવજીભાઇ દલવાડી (64)એ ટ્રક નંબર જીજે 12 બીટી 8842 ના ચાલકની સામે ફરિયાદ કાર્લ છે જેમાં જણાવ્યુ છે કે, મોરબીના હળવદ રોડ ઉપર આવેલા ઘુંટું ગામે તપોવન ગૌશાળાની સામેથી બાઇક નંબર જીજે 36 એચ 2388 લઈને તેનો દીકરો રાજેશ ચતુરભાઈ દલવાડી (34) રહે. હળવદ વાળો જઈ રહ્યો હતો ત્યારે ટ્રક ચાલકે તેના બાઇકને હડફેટે લીધું હતું જેથી કરીને ફરિયાદીના દીકરાને માથા તથા શરીરના ભાગે ગંભીર ઇજા થયેલ હતી અને તેનું સ્થળ ઉપર જ મોત નીપજયું હતું. આ બનાવમાં મૃતક યુવાનના પિતાએ નોંધાવેલ ફરિયાદ આધારે પોલીસે ગુનો નોંધીને આરોપી ટ્રક ચાલકને પકડવા માટે ચક્રોગતિમાન કરેલ છે.