હળવદના રણમલપુર ગામે વાડીએ ઝેરી દવા પી ગયેલ યુવાનનું સારવાર દરમ્યાન મોત
Morbi Today
વાંકાનેરમાં માવતરના ઘરે રહેતી પરિણીતાએ મારકૂટની પતિ સહિત ત્રણ સામે નોંધાવી ફરિયાદ
SHARE
JOIN OUR GROUP
વાંકાનેરમાં માવતરના ઘરે રહેતી પરિણીતાએ મારકૂટની પતિ સહિત ત્રણ સામે નોંધાવી ફરિયાદ
વાંકાનેરના પંચાસર રોડ ઉપર જ્યોતિ વિદ્યાલયની બાજુમાં આવેલ ખોડીયાર સોસાયટીમાં માવતરના ઘરે રહેતી પરણીતાએ તેના પતિ, દિયર અને સાસુ સામે ઘરકામ બાબતે હેરાન પરેશાન કરતા હોવાની તેમજ શંકા વહેમ રાખી મેણા મારી અવારનવાર મારફૂટ કરતા હોવાની ફરિયાદ નોંધાવેલ છે જેથી મહિલાએ નોંધાવેલ ફરિયાદ આધારે પોલીસે ગુનો નોંધી આગળની કાર્યવાહી કરેલ છે.
જાણવા મળતી માહિતી મુજબ મૂળ દુધરેજ ગામ વણકરવાસના રહેવાસી અને હાલમાં વાંકાનેરના પંચાસર રોડ ઉપર જ્યોતિ વિદ્યાલયની બાજુમાં ખોડીયાર સોસાયટીમાં રહેતા કંચનબેન સંજયભાઈ વાઘેલા (30)એ હાલમાં મોરબી જિલ્લા મહિલા પોલીસ સ્ટેશન ખાતે તેના પતિ સંજયભાઈ પરસોતમભાઈ વાઘેલા, દિયર ચેતનભાઇ પરસોત્તમભાઈ વાઘેલા અને સાસુ કાંતાબેન પરસોતમભાઈ વાઘેલા રહે. બધા દુધરેજ ગામ વાળાની સામે ફરિયાદ નોંધાવી છે જેમાં તેણે જણાવ્યુ છે કે, તેના પતિ, સાસુ અને દિયર દ્વારા અવારનવાર નાની નાની બાબતોમાં તેમજ ઘરકામ બાબતે હેરાન કરવામાં આવે છે અને શંકા વહેમ રાખીને મેણા ટોણા મારવામાં આવે છે અને અવારનવાર મારકૂટ કરે છે આમ શારીરિક માનસિક ત્રાસ આપવામાં આવતો હોય ભોગ બનેલ પરણીતાએ નોંધાવેલ ફરિયાદ આધારે પોલીસે તેના પતિ સહિત ત્રણ સામે ગુનો નોંધી આરોપીઓને પકડવા માટે તજવીજ શરૂ કરેલ છે.
જાહેરનામા ભંગના બે ગુના નોંધાયા
મોરબી તાલુકાના ટિંબડી ગામની સીમમાં માળીયા હાઇવે રોડ પર આવેલ ક્રિષ્ના કોમ્પલેક્ષમાં શ્રીરામ મોબાઈલ નામની દુકાન ભાડે આપવામાં આવી હતી અને ભાડા કરાર નહીં કરાવી ભાડુઆતની સ્થાનિક પોલીસને જાણ કરવામાં આવી ન હતી જેથી કરીને દુકાનદાર વિક્રમભાઈ ધીરુભાઈ ચાવડા (49) રહે. છાત્રાલય રોડ આંબાવાડી પાર્ક મોરબી તેમજ પીપળી ગામની સીમમાં ટોકન આર્ટ ટાઇલ્સ પર પ્રિન્ટિંગના કારખાનામાં કામ કરતા પરપ્રાંતિય શ્રમિકોની માહિતી નજીકના પોલીસ સ્ટેશનમાં આપી ન હતી અને ઓનલાઇન એપ્લિકેશનમાં શ્રમિકોની વિગત અપલોડ કરી ન હતી જેથી રવિભાઈ પ્રાણજીવનભાઈ કાસુન્દ્રા (28) રહે. પેસિફિક હાઈટ્સ પ્રમુખ રેસીડેન્સી રવાપર રોડ મોરબી વાળા સામે મોરબી તાલુકા પોલીસ સ્ટેશન ખાતે જાહેરનામા ભંગના જુદાજુદા ગુના નોંધીને પોલીસે આગળની કાર્યવાહી કરેલ છે.
