મોરબીના લાલપર નજીક આઇસરે બાઇકને હડફેટે લેતા યુપીના બે યુવાનોના મોત
SHARE
મોરબીના લાલપર નજીક આઇસરે બાઇકને હડફેટે લેતા યુપીના બે યુવાનોના મોત
મોરબી વાંકાનેર હાઇવે ઉપર આવેલ લાલપર ગામ પાસે પાવરહાઉસ નજીક સર્વિસ રોડ ઉપરથી ગઇકાલે ડબલ સવારી બાઇક પસાર થઈ રહયું હતું ત્યારે આઇસરના ચાલકે બાઈકને હડફેટે લીધું હતું જેથી કરીને અકસ્માત સર્જાયો હતો જેમાં બાઇક ઉપર બેઠેકા યુપીના બે યુવાનોને ગંભીર ઇજાઓ થઈ હતી જેથી કરીને તે બંને યુવાનોના મોત નિપજ્યાં છે હાલમાં પોલીસે આ બનાવની નોંધ કરીને આગળની કાર્યવાહી કરેલ છે.
બનાવની મળતી માહિતી મુજબ મોરબીના લાલપર ગામ નજીક આવેલા પાવરહાઉસ પાસેથી સર્વિસ રોડ ઉપરથી ગઇકાલે જાબુડિયા ગામ તરફ જઈ રહેલા જી.જે. ૩૬ ટી ૯૫૯૬ નંબરના આઇસરના ચાલકે ડબલ સવારી બાઈકને હડફેટે લીધું હતુ જેથી કરીને બાઈક ચાલક વિજય રામચંદ્ર ગુપ્તા (ઉ.૩૬) નું ઘટનાસ્થળે જ મોત નીપજ્યું હતું જો કે, તેની સાથે બાઇક ઉપર બેઠેલ રામસિંગ નામના યુવાનને ઇજા થઈ હોવાથી તેને સારવાર માટે રાજકોટ લઈ જવામાં આવ્યો હતો જો કે, સારવાર કારગત ન નિવડતા તેનું રાજકોટ ખાતે સારવારમાં મોત નીપજયું છે જેથી કરીને અકસ્માતના આ બનાવની નોંધ કરીને પોલીસે આગળની કાર્યવાહી હાથ ધરી છે.