હળવદમાંથી બાઈકની ચોરી કરનાર રીઢો ગુનેગાર ચોરાઉ બાઇક સાથે પકડાયો
SHARE
JOIN OUR GROUP
હળવદમાંથી બાઈકની ચોરી કરનાર રીઢો ગુનેગાર ચોરાઉ બાઇક સાથે પકડાયો
હળવદમાં સરા ચોકડી પાસે આવેલ ક્રોસ રોડ હોટલ તથા સેન્ટ્રલ પોઇન્ટ હોટલની વચ્ચેની ગલીમાં પાર્ક કરેલા બાઈકની ચોરી કરવામાં આવી હતી જેની ફરિયાદ આધારે પોલીસે આરોપીને શોધી રાખી હતી તેવામાં ગણતરીની કલાકો ચોરાઉ બાઇક સાથે પોલીસે આરોપીની ધરપકડ કરેલ છે અને હાલમાં પકડાયેલ આરોપી સામે રાજસ્થાનમાં 10 જેટલા જુદાજુદા ગુના નોંધાયેલ હોવાનું સામે આવ્યું છે.
હળવદ તાલુકાનાં પીઆઇ આર.ટી.વ્યાસ અને તેની ટીમે વાહન ચોરીના ગુનામાં આરોપીને પકડવા માટે તજવીજ કરી રહી હતી તેવામાં વિજયભાઇ પરબતભાઈ ચાવડા તથા લાલભા રઘુભા ચૌહાણને ખાનગી રાહે બાતમી મળી હતી કે, હળવદના સરા રોડ ઉપર આવેલ આનંદ પાર્ક-2 માં રહેતા હસમુખભાઈ વિઠ્ઠલભાઈ વરમોરાએ બાઈક નંબર જીજે 13 એએમ 1187 સરા ચોકડી પાસે આવેલ ક્રોસ રોડ હોટલ તથા સેન્ટ્રલ પોઇન્ટ હોટલની વચ્ચેની ગલીમાં પાર્ક કરીને મૂક્યું હતું જે 20,000 રૂપિયાની કિંમતના બાઈકની ચોરી કરનારા આરોપી હળવદમાં છે જેથી કરીને પોલીસે વોચ રાખી હતી અને ચોરાઉ બાઈક સાથે પોલીસે આરોપી મોતીલાલ ઉર્ફે સોનું કલુજી છગનલાલ વર્મા (20) રહે. હાલ કીડાણા ગાંધીધામ ગણેશનગર રેણુકા સુગર કંપની પાસે સાલ સ્ટીલ કંપની પાસે મુળ રહે. અમેઠીયો કા બાસ કેલવાડા તાલુકો કેલવાડા કુંભલગઢ જીલ્લો રાજસમંદ રાજ્ય રાજસ્થાન વાળાની ધરપકડ કરી હતી અને તેની પાસેથી ચોરીમાં ગયેલ બાઇકને કબ્જે કર્યું હતું અને તેની આગવી ઢબે પૂછપરછ કરી હતી ત્યારે આરોપી સામે રાજસ્થાન રાજ્યમાં અલગ અલગ 10 ગુના નોંધાયેલ હોવાનું સામે આવ્યું હતું. જેથી કરીને પોલીસે આગળની કાર્યવાહી કરેલ છે.
