મોરબી નજીક ડેમુ ટ્રેનની હડફેટે ચડી ગયેલ બાળક રાજકોટ સારવારમાં

મોરબીમાં નજરબાગ રેલવે ફાટક પાસેથી ડેમુ ટ્રેન પસાર થઈ હતી ત્યારે તેની હડફેટે બાળક ચડી ગયો હતો જેથી તે બાળકને ઇજાઓ થવાથી તેને પ્રથમ સારવાર માટે મોરબી અને ત્યાંથી વધુ સારવાર માટે રાજકોટ લઈ જવામાં આવેલ છે અને અકસ્માતના બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે

જાણવા મળતી માહિતી મુજબ મોરબી શહેરના સામાકાંઠા વિસ્તારમાં આવેલ ચામુંડાનગરમાં રહેતા વિનોદભાઈ પરમારનો 14 વર્ષનો દીકરો મીત ગત તા. 19 ના રોજ સવારે આઠેક વાગ્યાના અરસામાં નજરબાગ રેલવે ફાટક પાસેથી પસાર થઈ રહ્યો હતો ત્યારે ડેમુ ટ્રેનની હડફેટે તે ચડી જતા તેને ઇજાઓ થઈ હતી અને ઇજા પામેલા બાળકને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ લઈ જવામાં આવ્યો હતો અને આ અકસ્માતના બનાવની હોસ્પિટલ મારફતે મોરબી બી ડિવિઝન પોલીસને જાણ કરવા આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.

અકસ્માતમાં ઇજા

મોરબીના હળવદ રોડ ઉપર આવેલ નીચી માંડલ મ પાસે છોટા હાથી અને ડમ્પર વચ્ચે અકસ્માતનો બનાવ બન્યો હતો જે બનાવવામાં વિશ્વાબેન મુન્નાભાઈ (27) અને મુન્નાભાઈ શંકરભાઈ (29) બે વ્યક્તિઓને ઈજા થઈ હતી આવી જ રીતે જયપાલભાઈ પ્રગજીભાઇ વેકરીયા (20) રહે, ભીમકટ્ટા વાળાને પણ ઇજાઓ થયેલ હતી જેથી કરીને ઇજા પામેલા ત્રણેય વ્યક્તિને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની તાલુકા પોલીસને જાણ કરવામાં આવી હતી જેથી પોલીસે આગળની કાર્યવાહી કરેલ છે.