વાંકાનેરના કોટડાનાયણી ગામે ઈલેક્ટ્રીક શોર્ટ લાગતાં યુવાનનું સારવારમાં મોત

વાંકાનેરના કોટડાનાયણી ગામે રહેતો યુવાન પોતાના ઘરે ઈલેક્ટ્રીક મોટર ચાલુ કરવા જતા તેને શોર્ટ લાગ્યો હતો જેથી તે યુવાન પડી જતા તેને માથાના ભાગે ગંભીર ઇજા થઈ હતી જેથી તેને સારવાર માટે રાજકોટ સુધી લઈ ગયા હતા જોકે સારવાર કારગત ન નિવડતા તે યુવાનનું મોત નીપજ્યું છે જે બનાવની હોસ્પિટલ મારફતે વાંકાનેર તાલુકા પોલીસને જાણ કરવામાં આવી છે.

જાણવા મળતી માહિતી મુજબ વાંકાનેર તાલુકાના કોટડાનાયણી ગામે રહેતા મામદભાઈ અલ્લારખાભાઈ સમા (40) નામનો યુવાન પોતે પોતાના ઘરે હતો ત્યારે ત્યાં ઈલેક્ટ્રીક મોટર ચાલુ કરવા જતા ઇલેક્ટ્રીક શોર્ટ લાગ્યો હતો જેથી તે યુવાન પડી જતા તેને માથાના ભાગે ગંભીર ઇજા થયેલ હતી જેથી તેને સારવાર માટે રાજકોટ સુધી લઈ ગયા હતા જોકે સારવાર કારગત ન નિવડતા તે યુવાનનું મોત નીપજયું હતું જેથી આ બનાવની હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે