વાંકાનેરના રંગપર ગામે ઘરમાં ઢોર બાંધવાની જગ્યામાં બનાવેલ ગુપ્ત ખાનામાંથી 80 બોટલ દારૂ-140 લિટર દેશી દારૂ ઝડપાયો, આરોપીની શોધખોળ
SHARE
JOIN OUR GROUP
વાંકાનેરના રંગપર ગામે ઘરમાં ઢોર બાંધવાની જગ્યામાં બનાવેલ ગુપ્ત ખાનામાંથી 80 બોટલ દારૂ-140 લિટર દેશી દારૂ ઝડપાયો, આરોપીની શોધખોળ
વાંકાનેરના રંગપર ગામે રહેતા શખ્સના રહેણાંક મકાનમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાં ઢોર બાંધવા માટે બનાવવામાં આવેલ એક ઢાળિયામાં સૂકી નીરણ નીચેથી દેશી દારૂ અને ગુપ્ત ખાણમાંથી વિદેશી દારૂનો જથ્થો મળી આવેલ હતો જેથી પોલીસે 80 બોટલ દારૂ તથા 140 લીટર દેશી દારૂ આમ કુલ મળીને 1,31,800 ની કિંમતનો મુદામાલ કબજે કર્યો હતો જોકે, રેડ કરવામાં આવી હતી ત્યારે આરોપી હાજર ન હોવાથી તેની સામે તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
જાણવા મળતી માહિતી મુજબ વાંકાનેર તાલુકા પોલીસની ટીમ પેટ્રોલિંગમાં હતી ત્યારે રંગપર ગામે રહેતા ભીખુભાઈ દાદભાઈ તકમરીયાના રહેણાંક મકાનમાં દારૂનો જથ્થો હોવાની ચોક્કસ બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરની અંદર ફળિયામાં ઢોર બાંધવા માટે એક ઢાળિયામાં સુકી નીરણનો જથ્થો રાખવામાં આવ્યો હતો તેની નીચેના ભાગમાં ચેક કર્યું હતું ત્યારે ત્યાંથી 140 લિટર દેશી દારૂ જેની કિંમત 28,000 અને ગમાણમાં બનાવવામાં આવેલ ગુપ્ત ખાનામાંથી દારૂની અલગ અલગ બ્રાન્ડની 80 બોટલો મળી આવતા 1,03,800 ની કિંમતનો વિદેશી દારૂ આમ કુલ મળીને 1,31,800 રૂપિયાની કિંમતનો મુદ્દામાલ કબજે કરવામાં આવ્યો હતો જો કે, પોલીસ દ્વારા દારૂની રેડ કરવામાં આવી હતી ત્યારે આરોપી હાજર ન હોવાથી ભીખુભાઈ દાદભાઈ તકમરીયા સામે વાંકાનેર તાલુકા પોલીસ સ્ટેશન ખાતે ગુનો નોંધી પોલીસે આરોપીને પકડવા માટે તજવીજ શરૂ કરેલ છે
વરલી જુગાર
મોરબી તાલુકાના ભડિયાદ ગામના ફાટક પાસે વરલી જુગારના આંકડા લેવામાં આવતા હતા ત્યાં જુગારની રેડ કરવામાં આવી હતી ત્યારે સ્થળ ઉપરથી નારખાભાઈ ઇશાકભાઇ અકી (40) રહે લાલપર નવદીપ સ્કૂલની બાજુમાં મોરબી વાળો વરલી જુગારના આંકડા લેતા મળી આવ્યો હતો જેથી તેની પાસેથી પોલીસે 720 ની રોકડ કબ્જે કરીને તેની ધરપકડ કરી હતી અને તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
બિયારનું એક ટીન
મોરબીના લાતી પ્લોટ શેરી નં-8 માં આવેલ ફર્નિચરના શોરૂમ પાસેથી એક શખ્સ પસાર થઈ રહ્યો હતો ત્યારે તેની પાસેથી બિયરનું એક ટીન મળી આવ્યું હતું જેથી પોલીસે 100 રૂપિયાની કિંમતનો બિયરનો જથ્થો કબ્જે કર્યો હતો અને આરોપી રફિકભાઈ નુરમહમદભાઈ જામ (32) રહે. લાતી પ્લોટ શેરી નં-8 જોન્સનગર મોરબી વાળાની ધરપકડ કરી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી કરેલ છે.
