મોરબીના વાવડી રોડે ક્રિષ્ના પાર્ક શેરી નં-2 માં જાહેરમાં જુગાર રમતા 6 મહિલા સહિત કુલ 10 પકડાયા

મોરબીના વાવડી રોડ ઉપર આવેલ ક્રિષ્ના પાર્ક શેરી નં-2 માં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા 6 મહિલા સહિત કુલ 10 વ્યક્તિઓ મળી આવ્યા હતા જેથી પોલીસે 28,100 ની રોકડ કબ્જે કરીને મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના વાવડી રોડે આવેલ ક્રિષ્ના પાર્ક શેરી નં-2 માં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા રજાકભાઈ ગુલામભાઈ ચાનિયા (45)  રહે. વાવડી રોડ રવિ પાર્ક મોરબી, સોનલબેન કાંતિલાલ સોમૈયા (45) રહે. હાઉસિંગ બોર્ડ રામેશ્વર મંદિર પાસે મોરબી, સમાબેન સફીભાઇ જિંદાણી (42) રહે. વાવડી રોડ ક્રિષ્ના પાર્ક શેરી નં-4 મોરબી, ઈકબાલભાઈ ગફારભાઈ હડફા (51) રહે. ગીતાનગર પડધરી, રાજેશભાઈ સરજુદાસ નીંબાર્ક (43) રહે. ક્રિષ્ના પાર્ક-2 મોરબી, મીનાબેન કાનજીભાઈ ખટાણા (38) રહે. શ્રી હરિ સોસાયટી મોરબી, સબાનાબેન ઈકબાલભાઈ હડફા (41) રહે. ગીતાનગર પડધરી, જયેશભાઈ જયંતીલાલ બસિયા (37) રહે. નાની વાવડી, કલ્પનાબેન અંબારામભાઈ ગોપાણી (55) રહે. શ્રીહરી સોસાયટી નાની વાવડી, અને પારુલબેન લલીતભાઈ સોલંકી (38) રહે. ગીતાનગર પડધરી વાળા જુગાર રમતા મળી આવ્યા હતા જેથી પોલીસે તેઓની પાસેથી 28,100 ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી.