મોરબીના વાવડી રોડે ક્રિષ્ના પાર્ક શેરી નં-2 માં જાહેરમાં જુગાર રમતા 6 મહિલા સહિત કુલ 10 પકડાયા
Morbi Today
હળવદના કેદારીયા પાસેથી કતલખાને લઈ જવાતી બે ભેંસ-બે પાડાને બચાવ્યા: આરોપીની ધરપકડ
SHARE
JOIN OUR GROUP
હળવદના કેદારીયા પાસેથી કતલખાને લઈ જવાતી બે ભેંસ-બે પાડાને બચાવ્યા: આરોપીની ધરપકડ
હળવદના કેદારીયા ગામ પાસેથી પસાર થતી બોલેરો મેકસ ગાડીને રોકીને ચેક કરવામાં આવી હતી ત્યારે તે ગાડીમાંથી બે ભેંસ અને બે પાડા આમ કુલ ચાર મળીને ચાર અબોલ જીવને કતલખાને લઈ જવામાં આવતા હોવાનું સામે આવ્યું હતું જેથી વાહન ચાલકની સામે હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આગળની કાર્યવાહી હાથ ધરી છે.
જાણવા મળતી માહિતી મુજબ હળવદના રાણેકપર રોડ ઉપર આવેલ વસંત પાર્કમાં રહેતા જયપાલદાન કીર્તિદાન ગઢવી (25)એ હાલમાં હળવદ તાલુકા પોલીસ સ્ટેશન ખાતે જુમાભાઇ આમદભાઇ જત (25) રહે. રાવરેશ્વર તાલુકો લખપત વાળાની સામે ફરિયાદ નોંધાવી છે જેમાં હળવદ તાલુકાના કેદારીયા ગામ પાસેથી આરોપી તેના કબજા વાળી બોલેરો મેક્સ ગાડી નંબર જીજે 12 સીપી 7486 લઈને જઈ રહ્યો હતો ત્યારે તે ગાડીને રોકીને ચેક કરવામાં આવી હતી ત્યારે તે ગાડીમાંથી બે ભેસ તથા બે પાડા આમ કુલ મળીને ચાર અબોલ જીવ મળી આવ્યા હતા જે ગાડીમાં ઘાસચારો કે પાણીની કોઈપણ વ્યવસ્થા રાખવામા આવી ન હતી અને અબોલ જીવને કતલખાને લઈ જવામાં આવતા હોય તેવું જોવા મળ્યું હતું જેથી હાલમાં નોંધાવવામાં આવેલ ફરિયાદ આધારે હળવદ પોલીસે આરોપી જુમાભાઇ આમદભાઇ જતની ધરપકડ કરી આગળની રાબેતા મુજબની કાર્યવાહી હાથ ધરી છે.
