વાંકાનેરમાં મંદિરની દિવાલના ટેકે બેઠેલા ચાર શખ્સોને ઠપકો આપતા યુવાનને ધોકા અને ઢીકાપાટુનો મારમાર્યો
SHARE
JOIN OUR GROUP
વાંકાનેરમાં મંદિરની દિવાલના ટેકે બેઠેલા ચાર શખ્સોને ઠપકો આપતા યુવાનને ધોકા અને ઢીકાપાટુનો મારમાર્યો
વાંકાનેરના વીસીપરા વિસ્તારમાં આવેલ માતાજીના મંદિરના દિવાલના ટેકે ચાર શખ્સો બેઠા હતા જેને યુવાને ઠપકો આપ્યો હતો જે મંદિર પાસે બેઠેલા શખ્સોને સારું નહીં લાગતા તેણે યુવાનને ગાળો આપી હતી અને ત્યારબાદ ધોકા અને ઢીકાપાટુ વડે માથામાં તથા શરીરે માર માર્યો હતો જેથી ઈજા પામેલ યુવાને સારવાર લીધી હતી અને ત્યારબાદ વાંકાનેર સીટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપી અને પકડવા માટે તજવીજ શરૂ કરેલ છે
જાણવા મળતી વિગત પ્રમાણે વાંકાનેરના વીસીપરા વિસ્તારમાં સ્મશાન વાળી શેરીમાં રહેતા મનીષભાઈ જગદીશભાઈ ભાટી (24)એ સીટી પોલીસ સ્ટેશન ખાતે કાળુભાઈ પસાભાઈ સેટાણીયા, ભૂરો સેટાણીયા, વિજયભાઈ ઘોઘાભાઈ સેટાણીયા, અને વિક્રમભાઈ વિજયભાઈ સેટાણીયા સામે ફરિયાદ નોંધાવેલ છે જેમાં જણાવ્યું છે કે વીસીપરામાં સ્મશાન રોડ ઉપર આવેલ માતાજીના મંદિરના દિવાલના ટેકે આરોપીઓ બેઠા હતા જેથી ફરિયાદી યુવાને તેઓને ઠપકો આપ્યો હતો જે આરોપીઓને સારું નહીં લાગતા તેણે ફરિયાદી યુવાનને ગાળો આપી હતી અને ત્યારબાદ લાકડાના ધોકા અને ઢીકાપાટુ વડે યુવાનને માથામાં હાથે પગે અને વાસાના ભાગે માર માર્યો હતો જેથી ઈજા પામેલ યુવાને સારવાર લીધા બાદ વાંકાનેર સીટી પોલીસ સ્ટેશન ખાતે ફરિયાદ નોંધાવતા પોલીસે ચાર શખ્સોની સામે ગુનો નોંધી આરોપીઓને પકડવા માટે તજવીજ શરૂ કરેલ છે
જાહેરનામાનો ભંગ
ટંકારાના લજાઈ ઇન્ડસ્ટ્રીયલ વિસ્તારમાં ભીમનાથ મહાદેવ રોડ ઉપર આવેલ પવનસુત પ્લાસ્ટો પેક એલએલપી નામના કારખાનામાં ત્યાંના માલિકે સીસીટીવી કેમેરાનું રેકોર્ડિંગ 30 દિવસ સુધી રાખવા માટે કલેકટર નું જાહેરનામું હોવા છતાં પણ સીસીટીવી કેમેરાનું રેકોર્ડિંગ રાખેલ ન હતું જેથી પંકજભાઈ ભગવતીપ્રસાદ જોશી (47) રહે જેલ રોડ ઇન્ડિયન બેંક ની સામે મોરબી વાળા સામે જાહેરનામા ભંગનો ટંકારા તાલુકા પોલીસ સ્ટેશન ખાતે ગુનો નોધી પોલીસ આગળની કાર્યવાહી હાથ ધરી છે
